Johanne 8:48 - BIBELE

⁴⁸ Bajuda ba mo araba, ba re: “Na ha re nepe ha re re, o Mosamaria, mme o na le modemona?”

Sesotho 1909/1961 (SO)

⁴⁸ Yaba Bajuda ba araba, ba re ho yena: Na ha re bue hantle, ha re re: O Mosamaria, mme o na le motemona na?

Baasraak Sotho NT

⁴⁸ Bajuda ba araba, ba re ho yena: Na ha re bue hantle, ha re re, o Mosamaria, mme o na le modemona?

Contemporary Southern Sotho Bible 2024

⁴⁸ Bajuda ba araba, ba re ho yena: Na ha re bue hantle, ha re re, o Mosamaria, mme o na le modemona?

Johanne 8:48 ပူးပေါင်းရင်းမြစ်များ

Isaia 49:7

Morena, Molopolli wa Iseraele, yena Ya Halalelang, o bua tjena ho mohlanka wa babusi, ho ya ileng a nyediswa, a nyonywa ke ditjhaba: “Kgosi di tla o bona, di eme ka maoto, mahosana le wona a tla o obamela, ka baka la Morena, yena ya tshepahalang, Ya Halalelang wa Iseraele, ya o kgethileng.”

Isaia 53:3

O ile a nyediswa, a furallwa ke batho, ya eba motho wa mahlomola, ya tsebang mahloko. A tshwana le eo batho ba tshabang le ho mo tadima; o ile a nyediswa, ra se ke ra mo natsa.

Mattheu 10:25

Ho lekane ho morutuwa hore a be jwaloka moruti wa hae, le lekgoba jwaloka monga lona. Ha monga ntlo a bitswa Beele-Sebule, ba ntlo ya hae bona ba tla bitsollwa hampe hakaakang!”

Mattheu 10:5

Jesu a roma bao ba leshome le metso e mmedi, a ba laela, a re: “Le se ke la ya dinaheng tsa bahedene, leha e le ho kena metseng ya Basamaria;

Mattheu 11:18

“Etswe Johanne o ile a tla a sa je, a sa nwe, yaba ho thwe: ‘O na le modemona.’

Mattheu 12:24

Empa Bafarisi, ha ba utlwa hona, ba re: “Enwa ha a leleke bademona, haese ka Beele-Sebule, morena wa bademona.”

Mattheu 12:31

Ka baka leo, ke a le bolella, batho ba ka tshwarelwa sebe se seng le se seng le nyefolo e nngwe le nngwe, empa ha e le nyefolo e nyefolang Moya o Halalelang, ba ke ke ba e tshwarelwa.

Mattheu 15:7

Baikaketsi ting! Esaya o porofetile hantle ka lona, ha a re:

Johanne 1:19

Bopaki ba Johanne ke bona, mohla Bajuda ba romileng baprista le Balevi ho yena ba etswa Jerusalema, hore ba mmotse: “O mang?”

Johanne 10:20

Ba bangata ba re: “O na le modemona, o a hlanya; keng ha le mo mamela?”

Johanne 13:13

Le mpitsa ‘Moruti’ le ‘Morena’, mme le bolela hantle, hobane ke yena.

Johanne 4:9

Mosadi wa Mosamaria a re ho yena: “O ka nkopa ho nwa jwang o le Mojuda, nna ke le mosadi wa Mosamaria?” Bajuda ha ba na taba le Basamaria.

Johanne 7:20

Letshwele la araba, la re: “O na le modemona; ke mang ya batlang ho o bolaya?”

Johanne 8:22

Bajuda ba re: “Na ke hobane o tla ipolaya, ha a re: ‘Moo ke yang teng, le ke ke la tla?’ ”

Johanne 8:52

Bajuda ba re ho yena: “Jwale re a tseba hore o na le modemona. Aborahama o shwele, le baporofeta ba shwele, empa o re: ‘Ha motho a boloka lentswe la ka, ha a ka ke a shwa le ka mohla.’

Baroma 15:3

Le Kreste ha a a ka a ikgahlisa, empa ho bile jwalokaha ho ngotswe, ho thwe: “Dinyefolo tsa ba o nyefolang, le nna di nkwetse hodimo.”

BaHebheru 13:13

Kahoo a re mo kgahlanyetseng kantle ho diahelo, re ntse re jere sekgobo sa hae.

Jakobo 2:19

Ha ke re o dumela hore Modimo o mong feela? O etsa hantle; le bona bademona ba dumela jwalo, mme ba a thothomela.