Johanne 7:38 - BIBELE

³⁸ Ya dumelang ho nna, jwalokaha Mangolo a boletse, dinoka tsa metsi a kollang di tla phalla di etswa ka ho yena.”

Sesotho 1909/1961 (SO)

³⁸ Ya dumelang ho nna, dinoka tsa metsi a kollang di tla kolla mpeng ya hae, jwalokaha Lengolo le boletse.

Baasraak Sotho NT

³⁸ Ya dumelang ho nna, dinoka tsa metsi a kollang di tla phalla, di etswa mpeng ya hae, jwalokaha Lengolo le boletse.

Contemporary Southern Sotho Bible 2024

³⁸ Ya dumelang ho nna, dinoka tsa metsi a kollang di tla phalla, di etswa mpeng ya hae, jwalokaha Lengolo le boletse.

Johanne 7:38 ပူးပေါင်းရင်းမြစ်များ

Diproverbia 10:11

Polelo tsa ya lokileng ke diba sa bophelo, athe tsa ya kgopo tsona di kwetlile bosoro.

Diproverbia 18:4

Dipolelo tsa motho di ka bodiba, mohlodi wa bohlale e ka diba se runyarunyang.

Isaia 12:3

Le tla ikgella metsi le thabile, le a kge didibeng tsa pholoho.

Isaia 35:6

sehlotsa se tla tlola se tlole jwaloka kgama, leleme la semumu le bine ka thabo. Metsi a tla phorosela hara lefeella, melatswana e phalle hara lehwatata.

Isaia 44:3

“Ke tla nesetsa pula naheng e omeletseng, ke phallise melatswana mobung o omeletseng; ke tla theolela Moya wa ka hodima ditloholo tsa hao, ke theolele mahlohonolo a ka hodima tsona.

Isaia 55:1

“Lona bohle ba nyorilweng, tloong le nwe metsi, le lona ba se nang tjhelete, tloong le reke dijo, le je! Tloong le ithekele veine, le ithekele le lebese, le di reke le se na tjhelete, le sa lefe letho.

Isaia 58:11

Morena o tla o tataisa kamehla, a o fe tseo o di hlokang leha naha e omeletse, a matlafatse ditho tsa mmele wa hao. O tla tshwana le serapa se nwesetswang hantle, o ke sediba seo mohlodi wa sona o sa psheng.

Isaia 59:21

“Ha e le nna,” ho rialo Morena, “selekane sa ka le bona ke sena: Moya wa ka o leng ho wena, le dipolelo tsa ka tseo ke itseng o di bue, di ke ke tsa fela molomong wa hao le melomong ya bana ba hao, le melomong ya ditloholo tsa hao ho tloha jwale le kamehla yohle,” ho rialo Morena.

Sakaria 14:8

Mohla tsatsi leo, metsi a bophelo a tla phalla a etswa Jerusalema, halofo ya wona e phallele lewatleng le ka botjhabela, halofo e nngwe yona e phallele lewatleng le ka bophirimela. Ho tla ba jwalo hlabula le mariha.

Johanne 4:10

Jesu a mo araba, a re: “Hoja o tsebile mpho ya Modimo, le hore na ke mang ya reng ho wena: ‘Ako mphe, ke nwe,’ wena, o ka be o mo kopile, mme a ka be a o file metsi a kollang.”

Johanne 4:14

athe mang le mang ya nwang metsi ao ke tla mo fa wona, a ke ke a hlola a nyorwa le ka mohla, empa metsi ao ke tla mo fa wona a tla fetoha ka ho yena sediba sa metsi a kopoletsang bophelong bo sa feleng.”

Baefese 5:9

Ditholwana tsa lesedi ke tsohle tse molemo, tse lokileng le tsa nnete.

Deuteronoma 18:15

Morena Modimo wa hao, o tla hlahisa Moporofeta ya kang nna hara bana babo lona; le tle le mo mamele.