Johanne 7:14 - BIBELE

¹⁴ Ha e se e le mahareng a mokete, Jesu a ya ka Tempeleng, a ruta.

Sesotho 1909/1961 (SO)

¹⁴ Ha e se e le mahareng a mokete, Jesu a nyolohela tempeleng, a ruta.

Baasraak Sotho NT

¹⁴ Ha mokete o se o le mahareng, Jesu a nyolohela tempeleng, a ruta.

Contemporary Southern Sotho Bible 2024

¹⁴ Ha mokete o se o le mahareng, Jesu a nyolohela tempeleng, a ruta.

Johanne 7:14 ပူးပေါင်းရင်းမြစ်များ

Malakia 3:1

“Bona, ke tla romela leqosa la ka ho ntokisetsa tsela. Morena eo le mmatlang o tla kena ka Tempeleng ya hae a sa lebellwa. Moromuwa eo le mo lebeletseng o a tla, a phatlalatse selekane sa ka,” ho rialo Morena wa mabotho.

Numere 29:17

“ ‘Ka letsatsi la bobedi le tla nyehela ka dipohwana tse leshome le metso e mmedi, le dipheleu tse pedi, le dikonyana tse tona tse leshome le metso e mene, tse nang le selemo, tse se nang sepha.

Numere 29:20

“ ‘Ka letsatsi la boraro le tla nyehela ka dipohwana tse leshome le motso o mong, le dipheleu tse pedi, le dikonyana tse tona tse leshome le metso e mene, tse nang le selemo, tse se nang sepha.

Mattheu 21:12

Jesu a kena ka Tempeleng, a phahla bohle ba neng ba reka, ba rekisetsa ka ho yona; a phethola ditafole tsa baananyi ba ditjhelete le ditulo tsa ba rekisang maeba.

Mattheu 26:55

Ka yona nako eo Jesu a re ho matshwele: “Na ebe ke senokwane ha le tlile ho ntshwara ka disabole le dikoto tjee? Ke nnile ka ruta ka Tempeleng ka matsatsi wohle, empa ha le a ka la ntshwara.

Luka 19:47

O ne a ruta ka Tempeleng ka tsatsi le leng le le leng. Baprista ba baholo, le Ditsebi tsa Molao, le baetapele ba setjhaba ba ne ba batla ho mo timetsa,

Johanne 18:20

Jesu a mo araba, a re: “Ke buile le lefatshe phatlalatsa; ke rutile ka matlung a thapelo le ka Tempeleng kamehla, moo Bajuda bohle ba phuthehelang teng, mme ha ke a ka ka bua letho lekunutung.

Johanne 5:14

Kamora tsena Jesu a mo fumana ka Tempeleng, mme a re ho yena: “Bona, o fodile; o se ke wa hlola o etsa sebe, esere mohlomong wa hlahelwa ke ho hobe ho feta.”

Johanne 7:2

Mokete wa Bajuda wa Maphephe o ne o le haufi.

Johanne 7:28

Jwale Jesu a phahamisa lentswe, a ruta ka Tempeleng, a re: “Le a ntseba, le tseba le moo ke tswang teng; ha ke a tla ka bonna, empa ya nthomileng ke wa nnete, eo le sa mo tsebeng.

Johanne 7:37

Ka letsatsi la ho qetela, e leng le leholo la mokete, Jesu a ema, a howa, a re: “Ha motho a nyorilwe, a tle ho nna, a nwe.

Johanne 8:2

Kameso a boela a fihla ka Tempeleng. Setjhaba sohle sa tla ho yena, mme a dula, a se ruta.

Johanne 8:20

Dipolelo tsena o ne a di bua a le polokelong ya matlotlo, a ruta ka Tempeleng, mme ha ho ya ileng a mo tshwara, hobane nako ya hae e ne e eso fihle.