Johanne 13:19 - BIBELE

¹⁹ “Ke le bolella e sa le jwale, pele ho etsahala, hore le tle le dumele ha ho etsahala, hore nna e ntse e le nna.

Sesotho 1909/1961 (SO)

¹⁹ Ke le bolella taba eo e sa le jwale, e eso ho hlahe, hore mohla e hlahang, le dumele hobane ke nna.

Baasraak Sotho NT

¹⁹ Jwale ke a le bolella, di eso ho hlahe, hore, mohla di hlahang, le tle le dumele hore ke nna.

Contemporary Southern Sotho Bible 2024

¹⁹ Jwale ke a le bolella, di eso ho hlahe, hore, mohla di hlahang, le tle le dumele hore ke nna.

Johanne 13:19 ပူးပေါင်းရင်းမြစ်များ

Isaia 41:23

Re tsebiseng tseo e leng hona di tla tla, re tle re tsebe hore efela le le medimo. Etsang tse ntle kapa le etse tse kgopo, re tle re bone, ebe re tlalwa ke tshabo.

Isaia 43:10

“Wena Iseraele, o paki ya ka,” ho rialo Morena, “o mohlanka wa ka eo ke mo kgethileng, o tle o tsebe, o dumele ho nna, mme o utlwisise hore ke nna Modimo. Ha ho modimo o bopilweng pele ho nna, kapa ha eba le o mong kamorao ho nna.

Isaia 48:5

Ka baka leo, ke o boleletse tsena e sa le kgale; di eso etsahale ka o bolella tsona, e le hore o tle o se ke wa re: ‘Modimo wa ka wa bohata o di entse, modimo wa ka wa lehong le modimo wa ka wa tshepe, ke yona medimo e ileng ya di laola.’

Malakia 3:1

“Bona, ke tla romela leqosa la ka ho ntokisetsa tsela. Morena eo le mmatlang o tla kena ka Tempeleng ya hae a sa lebellwa. Moromuwa eo le mo lebeletseng o a tla, a phatlalatse selekane sa ka,” ho rialo Morena wa mabotho.

Mattheu 11:3

ho mmotsa: “Na ke wena ya tlang, kapa re lebelle e mong?”

Mattheu 24:25

Jwale, ke le boleletse e sa le pele.

Luka 21:13

Hona ho tla etsa hore le mpake.

Johanne 1:15

Johanne o mo pakile, mme a howa, a re: “Enwa ke yena, eo ke neng ke mmolela, ha ke re: ‘Ya tlang kamorao ho nna o mpheta ka boholo, hobane o bile teng pele ho nna.’ ”

Johanne 14:29

Ke le boleletse e sa le jwale, pele ho etsahala, hore ha ho etsahala le tle le dumele.

Johanne 16:4

Empa ke le boleletse tsena, hore ha nako ya tsona e fihla, le hopole hore ke le boleletse tsona.” “Ha ke a ka ka le bolella tsena ho tloha qalong, hobane ke ne ke ena le lona.

Johanne 4:26

Jesu a re ho yena: “Ke nna ya buang le wena.”

Johanne 8:28

Jesu a re: “Ha le se le phahamisitse Mora Motho, ke hona le tla tseba hore e ntse e le nna, le hore ha ke etse letho ka bonna, empa ke bua ditaba tsena jwalokaha Ntate a nthutile tsona.

Johanne 8:58

Jesu a re ho bona: “Kannetenete, ke a le bolella, Aborahama a eso tswalwe, nna e ne e se ntse e le nna.”