Joele 2:7 - BIBELE

⁷ Le kgoroha jwaloka bahale, le hlwa marako sa bahlabani. Le tsamaya le tobile pele feela, theko ya lona e entse lekaka.

Sesotho 1909/1961 (SO)

⁷ Ba matha jwaloka dinatla, ba hlwella lerako jwaloka banna ba ntwa; e mong le e mong o ya ka tsela ya hae, ha ba fapanyetsane ditsela.

Joele 2:7 ပူးပေါင်းရင်းမြစ်များ

2 Samuele 1:23

“Saule le Jonathane, dikgabane le baratehi, ha ba a arohana ha ba phela leha ba shwele; belo la bona le ne le feta la ntsu, matla a bona a feta a lekakuba.

2 Samuele 5:8

Ka lona letsatsi leo Davida a re: “Mang kapa mang ya ratang ho bolaya Mojebuse, eka kgona a nyolohe ka mosele wa metsi, a bolaye dihlotsa tseno le difofu tseno, e leng tsona dira tse kgolo tsa Davida.” Ke ka hona ba reng: “Difofu le dihlotsa di ke ke tsa kena motseng.”

1 Dikronike 12:36

Ba morabe wa Ashere, ba neng ba kwetliseditswe ntwa, e le malalaalaotse, ba ne ba le dikete tse mashome a mane.

Jobo 16:14

O ntlhaba a sa tswa ntlhaba, o nkgorohela jwaloka seqhobane.

Dipesaleme 19:5

Empa modumo wa tsona o anetse lefatshe lohle, polelo tsa tsona di finyeletse, di finyeletse pheletsong tsa lefatshe. Mahodimong, Modimo o hlometse letsatsi tente,

Diproverbia 30:27

Ditsie tsona ha di na kgosi, empa ha di falla di fofa ka mekgahlelo.

Jeremia 5:10

“Kenang hara merara ya sona le e robake, feela le se ke la e roba kaofela ha yona; makala a yona le a kgaole, hobane makala ao hase makala a Morena.

Joele 2:8

Ha le tsamaya ha le theselane ka ditswe, mohlabani ka mong o tsamaya a tobile pele feela. Le a fohla, le itukubetse hara marumo, ha ho letho le ka le emang kapele.

Joele 2:9

Le feresa motse, le mathe hodima marako, le hlwelle le kahodima matlo, le kene ka difesetere se ka mashodu.