Jobo 9:32 - BIBELE

³² “Modimo hase motho jwaloka nna, ka hona nke ke ka ba ka mo araba, fahleho bobedi tsa thulana re le ka kgotla.

Sesotho 1909/1961 (SO)

³² Hobane hase motho ya jwaloka nna hore ke fetolane le wona, mme re isane kahlolong le wona.

Jobo 9:32 ပူးပေါင်းရင်းမြစ်များ

Jobo 33:12

“Tabeng ena o fositse; ke o araba ka ho re: Modimo o moholo ho feta motho.

Jobo 33:7

Lebaka la hore o ntshabe ha le yo, ho ba teng ha ka ho ke ke ha o imela.”

Jobo 9:14

“Jwale nna ekaba nka mo arabisa jwang? Mantswe a dikgang ke a kgethe jwang?

Jobo 9:19

Haeba ho uwa ka matla, Yena ke seqhobane! Haeba ho uwa ka toka, yena o tla qoswa ke mang?

Jobo 9:3

Haeba motho a ka phea kgang le Modimo, Modimo a ka mmotsa potso di le sekete, motho a pallwa ke ho araba leha e le nngwe.

Jobo 9:31

wena o tla nkakgela ka tebetebeng, aparo tsa ka le tsona di be di nnyonye!

Dipesaleme 143:2

O se ke wa qosa mohlanka wa hao, hobane ho wena ha ho ya lokileng.

Moeklesia 6:10

Seo motho a leng sona kgale se tsejwa, kgale ho tsejwa hore motho ke motho; ha ho motho ya ka hwebeshanang, le senatla se mo feta ka matla.

Isaia 45:9

“Ho madimabe ya tsekisanang le Mmopi wa hae, yena e leng lengetana hara mangetana! Na letsopa le ka re ho sebopi sa lona: ‘O etsang?’ Na mosebetsi wa hao o ka re: ‘Ha o na tsebo’?

Jeremia 49:19

“Jwaloka tau e tswang merung ya Jorodane, e etswa ho ya makgulong a matalana, ka ho panya ha ntshi Edomo ke tla e leleka, ke e leleke naheng e le ya yona. Ba tla sireletswa ke mang ha ke ba otla? Ya ka tshwanang le nna ebe ke mang? Ya ka nkisang kgotla yena ke mang? Moetapele ke ofe ya ka nkemang kapele?”

Numere 23:19

Modimo hase motho hoo a ka buang leshano, hase mora wa motho hoo a ka inyatsang. Na seo a se bolelang a ke ke a se etsa? Na seo a se buileng a ke ke a se phetha?

Baroma 9:20

Motho towe, o mang wena o ka arabisanang le Modimo? Na ntho e bopilweng e ka re ho ya e bopileng: “Keng ha o mpopile tjee?”

1 Johanne 3:20

Haeba matswalo a rona a re qosa, re a tseba hore Modimo o moholo ho feta matswalo a rona, mme o tseba tsohle.

1 Samuele 16:7

Empa Morena a re ho Samuele: “O se ke wa tadima sebopeho sa hae, kapa bophahamo ba seemo sa hae, hobane ha ke mo amohele. Morena ha a tadime jwalokaha motho a tadima. Motho o tadima sebopeho se kantle, athe Morena yena o tadima pelo.”