Jobo 4:17 - BIBELE

¹⁷ ‘Na ya shwang a ka loka mahlong a Modimo, a hlweka le mahlong a Mmopi wa hae?

Sesotho 1909/1961 (SO)

¹⁷ Na ya shwang a ka loka pela Modimo na, kapa motho na o hlwekile pela Mmopi wa hae na?

Jobo 4:17 ပူးပေါင်းရင်းမြစ်များ

Genese 18:25

Kgopolo e jwalo, ya ho bolaya ba lokileng le ba kgopo, e ke e be hole le maikutlo a hao! Ho be siyo maikutlong a hao ho tshwantsha ba lokileng le ba kgopo! Na Moahlodi wa lefatshe lohle a ke ke a ahlola ka toka?”

Jobo 14:4

Na ya ditshila a ka tswala ya hlwekileng? Le kgale! Ho ke ke be ha etsahala jwalo!

Jobo 15:14

“Motho ke ntho nngwe, hoo a ka bang le tlhweko? Ya tswetsweng ke mosadi yena a ka loka jwang?

Jobo 25:4

Motho a ka lokafatswa jwang mahlong a Modimo? Ya tswetsweng ke mosadi a ka hlweka jwang?

Jobo 31:15

Ha ke re Mmopi wa ka ke Mmopi wa bona? Ha ke re ke yena ya re bopileng maleng a bo-mma rona?

Jobo 32:22

Ha ke ne ke tseba ho kakamatsa, Mmopi wa ka o na ntlosa ka ho panya ha ntshi!”

Jobo 35:10

Empa ha ho ya reng: ‘Modimo, Mmopi wa ka, o kae, ya re kgothatsang ka difela bosiu,

Jobo 35:2

“Na o bona ho nepahetse ha o re: ‘Nna ke lokile ho feta Modimo?’

Jobo 36:3

Tsebo ke tla e fuputsa hole le hohle, ha ke buella ho loka ha Mmopi wa ka.

Jobo 4:16

Sa re themelele! Ke ntse ke tadimile, sa sona sobepeho ke sa se tsebe! Sa ema kapela mahlo a ka, ha didimala, ka utlwa lentswe le nyenyetsa, le re:

Jobo 40:8

“Na kahlolo ya ka o tla fela o e hanyetse, ebe o mpea molato, hore o itokafatse?

Jobo 8:3

Na Modimo a ka sokamisa kahlolo, Ya Matla wohle a sokamisa ho loka?

Jobo 9:2

“Ruri ke a tseba, ho fela ho le jwalo; motho a ka loka jwang mahlong a Modimo?

Dipesaleme 143:2

O se ke wa qosa mohlanka wa hao, hobane ho wena ha ho ya lokileng.

Dipesaleme 145:17

Morena o lokile ho tsohle tseo a di etsang, mesebetsing yohle ya hae o mohau.

Moeklesia 7:20

Ha ho ya lokileng mona lefatsheng, ya etsang ho molemo, ya sa etseng sebe.

Jeremia 12:1

Wena Morena, o lokile kamehla, ha ke bea nyewe ya ka kapele ho wena, o lokile, empa a nke ke bue le wena ka toka ya hao: Ke hobaneng ha ba kgopo ba atleha mererong ya bona? Ke hobaneng ha ba bolotsana ba phela ka boiketlo?

Jeremia 17:9

Pelo e tletse mano ho feta dintho tsohle, e senyehile hoo e ke keng ya phekolwa, ke mang ya ka e utlwisisang?

Baroma 11:33

Borui, le bohlale, le tsebo ya Modimo di kaakang! Dikahlolo tsa hae di ka hlaloswa jwang! Ditsela tsa hae di ka utlwisiswa jwang!

Baroma 2:5

Empa ka baka la bothata ba pelo ya hao e sa bakeng, o ikekeletsa kgalefo mohla letsatsi leo ka lona Modimo a tla bonahatsa kgalefo ya hae le kahlolo ya hae e lokileng.

Baroma 9:20

Motho towe, o mang wena o ka arabisanang le Modimo? Na ntho e bopilweng e ka re ho ya e bopileng: “Keng ha o mpopile tjee?”

Tshenolo 4:8

Se seng le se seng sa dibopuwa tseo tse nne tse phelang, se ne se ena le mapheo a tsheletseng, mme kantle le kahare ho wona ho ena le mahlo a mangatangata. Bosiu le motsheare di ne di sa kgaotse ho re: “O a halalela, o a halalela, o a halalela, Morena Modimo ya matla wohle, ya bileng teng, ya leng teng, ya tlang ho tla.”