Jeremia 18:20 - BIBELE

²⁰ Na botle bo ka buseletswa ka bobe? Baqosi ba ka, ba ntjheketse lemena! Hopola, ke ile ka ema kapele ho wena, ka ba buella ho ba faposa kgalefo ya hao.

Sesotho 1909/1961 (SO)

²⁰ Na ho ka buswa bobe bakeng sa botle, haele mona ba tjheketse bophelo ba ka lemena na? Hopola hobane ke ne ke ntse ke eme pela hao ho ba buella, hore ke kgelose kgalefo ya hao ho bona.

Jeremia 18:20 ပူးပေါင်းရင်းမြစ်များ

Jobo 6:27

Le kgutsanyana kgudu! le ka e rekisa, la tjhekela motswalle wa lona lemena.

Dipesaleme 106:23

Yaba o re o a ba fedisa, empa Moshe, mokgethwa wa hae, a kena dipakeng, a phoka bohale ba hae hore bo se ba timetse.

Dipesaleme 119:95

Ba kgopo ba ntaletse hore ba ntimetse, empa ke hlokometse ditemoso tsa hao.

Dipesaleme 35:12

Batho ba mputsa ka bobe bakeng sa botle, moya wa ka o qetwa ke bodutu.

Dipesaleme 35:7

Ba ntjhehile ka leraba ntle ho lebaka, ba ntjheketse lemena ntle ho lebaka.

Dipesaleme 38:20

Ba itshemmeng bora ho nna ba matla, ba ntlhoileng ntle ho lebaka ba ngatafetse,

Dipesaleme 57:6

Modimo, bontsha hore o okametse mahodimo, tlotla ya hao e phahamele lefatshe lohle.

Dipesaleme 7:15

Bonang, e mobe o emola tse manyala, o emara bokgopo, mme o tswala thetso.

Diproverbia 17:13

Ya buseletsang botle ka bokgopo, bokgopo bo ke ke ba tloha lapeng la hae.

Diproverbia 26:27

Ya tjhekang lemena o tla wela ho lona, ya thetang lejwe le tla mo wela hodimo.

Moeklesia 10:8

Ya tjhekang lemena a ka nna wela ho lona, ya heletsang lerako a ka nna longwa ke noha.

Jeremia 11:14

“Ka baka lena, o se ke wa rapella setjhaba sena, kapa wa se etsetsa thapedi, hobane ha ke na ho mamela ha se ipiletsa ho nna nakong ya ditsietsi tsa sona.

Jeremia 14:20

Morena, re ipolela bokgopo, bokgopo ba rona; re bolela le molato, molato wa bo-ntata rona, hobane re fela re o sitetswe.

Jeremia 15:1

Jwale Morena a re ho nna: “Leha Moshe le Samuele ba ne ba ka ema kapele ho nna mona, pelo ya ka e ne e ke ke ya utlwela setjhaba sena bohloko. Tlosa batho bana kapele ho nna! Ere ba tsamaye!

Jeremia 17:18

Bahlorisi ba ka ba ke ba hlabiswe dihlong, nna ke se ke ka hlabiswa dihlong; etsa hore bona ba tshohe haholo, nna ke se ke be ka tshoswa ke letho. Ako ba tlisetse tsatsi la ditlokotsi, timetso ya bona o e phethahatse habedi.

Jeremia 18:19

Oho, Morena, ako mmamele! Utlwa seo baqosi ba ka ba se buang!

Jeremia 18:22

Ba tlisetse batupi ka ho panya ha ntshi, seboko se utlwahale malapeng a bona, hoba ba ntjheketse lemena ke tle ke wele ka ho lona, ba tjhehetse maoto a ka leraba, ba le patile.

Jeremia 27:18

Empa haeba e le baporofeta, mme eba mantswe a bona ke a Morena, a ba ke ba rapele Morena wa mabotho hona jwale, hore thepa e setseng ka Tempeleng ya Morena, le ka tlung ya kgosi ya Juda le Jerusalema, e se ke ya iswa Babilona.

Jeremia 5:26

“Batho ba kgopo ba teng tjhabeng sa ka, ba lallang sa batshosi ba dinonyana, sa ba tjhehang difi hore ba kgate batho.

Jeremia 7:16

“Ka baka leo, wena Jeremia, o se ke wa rapella setjhaba sena; o se ke wa ipiletsa ho nna ka lebitso la sona, kapa wa se rapella. O se ke wa se etsetsa thapedi, hobane ha ke na ho o mamela.

KOLI-YA-MALLA 3:59

O bone kamoo ke tujwang kateng, ako nkahlolele ka toka, Morena!

Johanne 10:32

Jesu a re ho bona: “Ke le bontshitse mesebetsi e mengata, e molemo, e tswang ho Ntate; le ntlepeletsa mosebetsi ofe wa yona?”

Johanne 15:25

Empa lentswe le ngotsweng Molaong wa bona, le reng: ‘Ba ntlhoile ntle ho lebaka,’ le tshwanetse ho phethahala.

1 Samuele 19:4

Jonathane a bua Davida hantle ho Saule, ntatae, a re ho yena: “Kgosi e se ke ya sitelwa Davida, mohlanka wa yona, hobane Davida ha a a o sitelwa, etswe le diketso tsa hae e bile tse ntle ho wena.