Isaia 59:11 - BIBELE

¹¹ Bohle re puruma jwaloka dibere, re lla habohloko jwaloka maeba. Re batla toka, empa ha re e fumane, re batla topollo, empa e holehole le rona.

Sesotho 1909/1961 (SO)

¹¹ Re bokolla bohle jwaloka dibere, re lla jwaloka maebakgorwana; re lebeletse ho loka, mme ha ho hlahe; re lebeletse le poloko, mme e a re balehela.

Isaia 59:11 ပူးပေါင်းရင်းမြစ်များ

Dipesaleme 119:150

Bahlorisi ba bolotsana ba a atamela, bona ba holehole le Molao wa hao.

Dipesaleme 119:155

Pholoho e holehole le ba kgopo, hobane ha ba batle thato ya hao.

Dipesaleme 38:8

Letheka la ka le a futha, ha ho moo ho seng bohloko mmeleng wa ka.

Dipesaleme 55:2

Oho, Modimo, ako sekehe tsebe, o sekehele thapelo ya ka tsebe, o se ke wa furalla thapedi ya ka.

Dipesaleme 85:9

A nke ke utlwe seo Morena Modimo a se bolelang, hobane o tla bolella setjhaba sa hae le batshepuwa ba hae tsa kgotso, e le hore ba se ke ba kgutla, ba kgutlela bothotong ba bona.

Isaia 38:14

Ka lla sa lefokotsane kapa sa moholodi, ka kuruetsa sa leebana-kgorwana. Mahlo a ka a kgathetse ke ho lelalela hodimo, Morena, ke ditlallong, tloo, o tlo nthusa.”

Isaia 51:20

Baahi ba hao ba akgehile, ba rapaletse dihukung, hukung tsa diterata tsohle, ba jwaloka kgama e tshwasitswe lerabeng. Ba pipitletswe ke kgalefo ya Morena, le yona kgalemo ya modimo wa hao.

Isaia 59:14

Kahoo toka e tjhetjhiswa kasanthao, ho loka ho emeletse hole le rona; diterateng nnete ha e sa le yo, botshepehi le bona ha bo sa fumanwa.

Isaia 59:8

Tsela e isang kgotsong ha ba e tsebe, mehlaleng ya bona toka ha e fumanwe. Tsela tsa bona ke tse matswedintsweke, ya tsamayang ho tsona a ke ke a fumana kgotso.

Isaia 59:9

Ka baka leo, toka e hole le rona, le ho loka ha ho fihle ho rona. Re batla lesedi, empa re bona lefifi, re batla kganya, empa re tsamaya lefifing.

Jeremia 8:15

Re ne re lebeletse kgotso, empa ha re a fumana molemo; ra lebella nako ya ho fodiswa, empa ra tlelwa ke ditsietsi.

Jeremia 9:1

Hoja hlooho ya ka ke sediba sa metsi, mahlo a ka ebe ke mohlodi wa dikeledi, ke tle ke lle motsheare le bosiu, ke llele tjhaba sa heso se bolailweng.

KOLI-YA-MALLA 3:17

Pelo ya ka o e amohile kgotso, le boiketlo ha ke sa bo tseba.

Ezekiele 7:16

Bohle ba tla phonyoha ba tla balehela dithabeng, ba kuruetse sa maeba a dikgohlo, motho ka mong a llele dibe tsa hae.

Hosea 7:14

Ha ba ipiletse ho nna ka dipelo tsa bona, ba bokollela phateng tsa bona feela. Ha ba llela koro le veine ba a itshehaka, empa nna ba a mphetohela.

Nahume 2:7

Ninife e a hlobodiswa, e a thopuwa, makgabunyane a Ninife a a lla, a lla sa maebanakgorwana, a lla a ntsa ikotla difuba kgafetsa.

Nahume 2:8

Ninife e ka letamo le phatlohile. Mokgosi ke oo: “Sekwele! Sekwele!” Empa ha ho le ya mong ya kgutlang.