Isaia 58:9 - BIBELE

⁹ Etlare ha o ipiletsa, Morena a o arabe, ere ha o kopa thuso, yena a re: ‘Ke nna enwa.’ “Haeba o fedisa diketso tsa botlatlapi, tsa ho supana ka menwana le ho buisana hampe;

Sesotho 1909/1961 (SO)

⁹ Ke moo o tlang ho bitsa, mme Jehova o tla araba; o tla howeletsa ho yena, mme o tla re: Ke nna enwa. Ha o fela o lesa ho jarisa motho boima, ho supa ka monwana, le ho etselletsa;

Isaia 58:9 ပူးပေါင်းရင်းမြစ်များ

Genese 27:18

Yaba Jakobo o ya ho ntatae, o fihla, a re: “Ntate!” Yena a arabela, a re: “Ke nna enwa! O mang, ngwana ka?”

Jobo 22:27

O tla rapela Modimo, ebe o a o utlwa, kano tsa hao o tsebe ho di phetha.

Dipesaleme 118:5

Ha ke ne ke patisitswe, ka ipiletsa ho Morena; Morena a nkarabela, a ntokolla.

Dipesaleme 12:2

Re pholose Morena, batshepuwa ba fedile; botshepehi ha bo sa le yo ho bana ba batho.

Dipesaleme 145:18

Morena o haufi le bohle ba mo rapelang, ba mo rapelang kannete.

Dipesaleme 20:6

Re ke re etsetse tlholo ya hao ditlatse, re phahamise mekgele ka lebitso la Modimo, bitso la Modimo wa rona. Morena a ke a phethahatse dikopo tsohle tsa hao.

Dipesaleme 37:4

Thabela Morena, mme o tla o nea tse lakatswang ke pelo ya hao.

Dipesaleme 50:15

Ipiletse ho nna ka nako ya matshwenyeho; ke tla o lopolla, mme wena o tla ntlotlisa.”

Dipesaleme 91:15

Ha a ipiletsa ho nna ke tla mo araba; matshwenyehong ke be le yena, ke mo lopolle, ke mo tlotlise.

Diproverbia 6:13

o roba leihlo la hae, a ngolangole fatshe ka leoto, a qhwayaqhwaye ka monwana;

Isaia 1:15

Ha le phahamisa matsoho ho ipiletsa ho nna, ke tla ipata sefahleho; leha le ka etsa dithapelo tse ngata, nke ke be ka le mamela, matsoho a lona a kganathetse madi.

Isaia 30:19

Oho, lona setjhaba sa Sione, lona ba ahileng Jerusalema, le ke ke la hlola le sa lla. Ha le ka ipiletsa ho yena, o tla le hauhela; hanghang ha a utlwa sello sa lona o tla le araba.

Isaia 55:6

“Batlang Morena ha a sa ntse a ka fumanwa, ipiletseng ho yena a sa le haufi;

Isaia 57:4

Eo le mo somang ke mang? Eo le mo nyekoletsang melomo, maleme a leketlile, ke mang? Na hase lona bana ba mahlabaphiyo, lona bana ba batho ba leshano?

Isaia 58:6

“Mokgwa wa ho itima dijo oo ke o kgethileng ke ona: Ke hore o lokolle mahlaahlela a bokgopo, o imolle ba imetsweng ke mejaro ya bona, ba hateletsweng o ba lokolle, mesebetsi yohle ya botlatlapi o e fedise.

Isaia 59:1

Tsoho la Morena ha le lekgutshwanyane, hoo a ke keng a pholosa; tsebe ya hae ha e a thibana hoo a ke keng a utlwa.

Isaia 59:13

Ke ho sitelwa Morena le ho bua leshano, ke ho furalla Modimo wa rona, ho kgothaletsa bohatelli le bofetohedi, ho nahana leshano le ho le bua ka pelong tsa rona.

Isaia 65:24

Ke tla arabela ba eso ka ba ipiletsa, ke be ke ba utlwe e le hona ba ntseng ba rapela.

KOLI-YA-MALLA 3:57

Wa atamela ho nna ha ke ipiletsa, wa re ho nna: “O se ke wa tshaba!”

Ezekiele 13:8

“ ‘Ka baka leo, Morena Modimo o bua tjena: Kahobane le buile taba tsa mafeela, la bona dipono tsa mashano, ke a le lwantsha, ho rialo Morena Modimo.

Daniele 9:20

Ka nna ka bua jwalo, ka rapela, ka ipolela sebe sa ka le sa setjhaba sa heso sa Iseraele, mme ka lebisa thapedi ya ka ho Morena Modimo wa ka, ka baka la thaba e halalelang ya Modimo wa ka.

Levitike 6:5

Le ntho efe le efe eo a e hlapanyeditseng ka leshano, o tla e busetsa ka ho tlala, a be a eketse ka karolo tse mashome a mabedi ho tse lekgolo; a e nee mong a yona mohla a ipoletseng hore o molato.

Sakaria 10:2

Dipolelo tsa medingwana ke tsa bohata, pono tsa bonwang ke dinohe ke tsa leshano, di bolela toro tse se nang nnete. Matshediso a dinohe tsena ha a na thuso; setjhaba se lelera sa mohlape-maitisi, se tsielehile ke ho hloka modisa.

Sakaria 13:9

Ena ya boraro e tla feta hara mollo, ke e hlwekise sa silefera ha e hlwekiswa, ke e hlahlobe sa kgauta ha e hlahlojwa. Tjhaba sa ka se tla ipiletsa ho nna, jwale nna ke tla se araba, ke re: ‘Sena ke sona setjhaba sa ka,’ mme sona se tla bolela, se re: ‘Morena ke yena Modimo wa rona.’ ”