Isaia 56:2 - BIBELE

² Ho lehlohonolo motho ya etsang tsena, ho lehlohonolo motho ya di kgomarelang, ya bolokang Sabatha, ya sa se silafetseng, eo tsoho la hae le sa etseng tse mpe.

Sesotho 1909/1961 (SO)

² Ho lehlohonolo motho ya etsang hoo, le ngwana motho ya tiisetsang teng, ya bolokang Sabatha, a tle a se ke a e silafatsa, mme a tshabisa letsoho la hae, le tle le se ke la senya le hanyenyane!

Isaia 56:2 ပူးပေါင်းရင်းမြစ်များ

Nehemia 13:17

Ka kgalemela mahosana a Juda, ka re ho wona: “Ke bokgopo ba eng boo, boo le bo etsang, mme le hlompholla letsatsi la Sabatha?

Dipesaleme 106:3

Ho lehlohonolo ba etsang toka, ba etsang ho lokileng ka nako tsohle.

Dipesaleme 112:1

Haleluja! Ho lehlohonolo ya tshabang Morena, ya thabelang melao ya hae haholo.

Dipesaleme 119:101

Ke qobisa maoto a ka ditsela tsohle tse kgopo, ke tle ke mamele lentswe la hao ka hloko.

Dipesaleme 128:1

Sefela sa ho nyolohela Jerusalema. Ho lehlohonolo bohle, bohle ba tshabang Morena, ba tsamayang ditseleng tsa hae.

Dipesaleme 34:14

Tshwara leleme la hao le se bue tse mpe, le molomo wa hao o se bue leshano.

Dipesaleme 37:27

Furalla bobe, o etse botle, o tle o be le leaho kamehla.

Eksoda 20:10

empa letsatsi la bosupa ke Sabatha sa Morena Modimo wa hao. Ka letsatsi lena o se ke wa etsa mosebetsi ofe kapa ofe, wena, kapa mora wa hao, kapa moradi wa hao, kapa mohlanka wa hao, kapa lekgabunyane la hao, kapa diphoofolo tsa hao, kapa mojaki ya ha hao.

Eksoda 20:8

“Hlokomela letsatsi la Sabatha, o le halaletse.

Diproverbia 14:16

Motho ya bohlale o tshaba bobe, o a bo ila, empa sethoto se a tlatselela, se a itshepa.

Diproverbia 16:17

Tsela ya ba lokileng e kgeloha bobe, ya e hlokomelang o baballa bophelo ba hae.

Diproverbia 16:6

Sebe se hlakolwa ke lerato le botshepehi; ya tshabang Morena bobe o tla bo phema.

Diproverbia 4:13

Tshwara thuto ena, o e mamarele, o e dise ka thata, ke yona bophelo ba hao.

Diproverbia 4:27

Se kgelohele ka ho le letona kapa ka ho le letshehadi, mehato ya hao e o phemise bokgopo.

Moeklesia 7:18

Molemo ke ho itshwarella ka polelo ya pele, le ya bobedi o se ka e nyahlatsa; ya tshabang Modimo o phema tsietsi tsena bobedi!

Isaia 56:4

Morena o bua tjena ho mahaole: “Mahaole a bolokang Disabatha tsa ka, a ikgethelang tse nthabisang, a kgomarelang selekane sa ka,

Isaia 56:6

“Haele baditjhaba ba ikabetseng Morena, ba ikabetseng ho mo sebeletsa, le hona ho rata bitso la hae, bao e leng bahlanka ba hae, ba bolokang Sabatha, ba se boloka ba sa se silafatse, ba kgomaretseng selekane sa ka;

Isaia 58:13

“Haeba o sa nke maeto ka tsatsi la Sabatha, o sa phethe merero ya hao ka tsatsi la ka le halalelang; haeba o bitsa Sabatha letsatsi la thabo, o re ke la Morena le halalelang, le hlomphehang; haeba o le hlompha ka ho se etse mesebetsi ya hao, o sa phethe merero ya hao, o sa bue mafeela;

Ezekiele 20:12

Ka ba nea le Disabatha tsa ka hore e be sesupo pakeng tsa ka le bona, ba tle ba tsebe hore ke nna Morena ya ba halaletsang.

Ezekiele 20:20

Halaletsang Disabatha tsa ka, hore e tle e be sesupo pakeng tsa ka le lona. Ka hona le tla tseba hore ke nna Morena Modimo wa lona.”

Levitike 19:30

“ ‘Le boloke Disabatha tsa ka, le hlomphe Sehalalelo sa ka. Ke nna Morena.

Luka 11:28

Empa Jesu a re: “E, empa haholo ho lehlohonolo ba utlwang lentswe la Modimo, ba le boloke.”

Luka 12:43

Ho lehlohonolo mohlanka eo etlare ha monga hae a fihla, a mo fumane a etsa jwalo.

Johanne 13:17

Ha le tseba tsena, le lehlohonolo ha le ka di etsa.

Baroma 12:9

Lerato le hloke boikaketsi. Hloyang bobe, kgomarelang botle.

Tshenolo 22:14

“Ho lehlohonolo ba hlatswang diaparo tsa bona, e le hore ba tle ba be le tokelo ya ho ja sefate sa bophelo, le ya ho kena motseng ka dikgoro tsa wona.