Isaia 45:9 - BIBELE

⁹ “Ho madimabe ya tsekisanang le Mmopi wa hae, yena e leng lengetana hara mangetana! Na letsopa le ka re ho sebopi sa lona: ‘O etsang?’ Na mosebetsi wa hao o ka re: ‘Ha o na tsebo’?

Sesotho 1909/1961 (SO)

⁹ Ho madimabe ya tsekisanang le Mmopi wa hae; athe ke lengeta hara mangeta a mang a letsopa! Na letsopa le ka re ho ya le bopang: O etsang na? Kapa mosebetsi wa hao o ka bua bakeng sa hao, wa re: Ha o na matsoho na?

Isaia 45:9 ပူးပေါင်းရင်းမြစ်များ

Jobo 10:9

Ako hopole, o mpopile seka letsopa; na o tla nkgutlisetsa leroleng hape?

Jobo 33:13

Ke ka baka lang ha o phea kgang le yena, o re polelo tsa hao ha a di arabe?

Jobo 40:2

“Na monyatsi a ka phea kgang le Ya Matla wohle? Ya nyatsang Modimo a ke a arabe!”

Jobo 9:12

Ha a inkela, a ka thibelwa ke mang? Ke mang ya ka reng ho yena: ‘Jwale o etsa jwang?’

Jobo 9:4

Modimo o bohlale, o bile o matla: Ke mang ya ka mo hanyetsang, yaba o a atleha?

Diproverbia 21:30

Ha ho bohlale, kelello, kapa morero o ka atlehang ha Morena a sa o rate.

Moeklesia 6:10

Seo motho a leng sona kgale se tsejwa, kgale ho tsejwa hore motho ke motho; ha ho motho ya ka hwebeshanang, le senatla se mo feta ka matla.

Isaia 10:15

Na selepe se ka ithorisetsa, ya rathang ka sona, kapa yona sakga ya ithorisetsa, ya sakgang ka yona? Na molamu o ka nonya ya o phahamisang, kapa kotjane ya tsokotsa motho e se lehong?

Isaia 29:16

Ntho le di hlabisa hlohlodingwane, jwalokaha eka sebopi sa tsona ke letsopa. Na se bopilweng se ka bua ka mmopi wa sona, sa re: “Hase yena ya mpopileng”? Na pitsa e ka bua ka sebopi sa yona, ya re: “Ha se tsebe letho”?

Isaia 45:10

Ho madimabe ya reng ho ntatae: ‘O tswetseng?’ Kapa ya reng ho mmae: ‘O belehileng?’

Isaia 64:7

Ha ho na motho ya ipiletsang ho wena, kapa ya lekang hore a o kgomarele; hobane o re patetse fahleho sa hao, wa etsa hore re motele ka baka la dibe tsa rona.

Isaia 64:8

Leha ho le jwalo, Morena, wena o ntata rona; rona re letsopa, wena o sebopi, bohle re mosebetsi wa matsoho a hao.

Jeremia 18:6

“Na ke hore wena, ntlo ya Iseraele, nke ke ka o etsa jwalokaha sebopi se etsa ka letsopa la sona?” ho rialo Morena. “Seo letsopa le leng sona matsohong a sebopi, ke seo wena ntlo ya Iseraele, o leng sona matsohong a ka.

Jeremia 36:29

O be o bolelle Jehoyakime, kgosi ya Juda, o re: ‘Morena o bua tjena: O ile wa tjhesa buka ena, wa re: Ke ka baka lang ha o ngotse bukeng ee, wa re: Ruri kgosi ya Babilona e tla tla e timetsa naha ena, mme e fedise batho le diphoofolo?’

Jeremia 50:24

Wena Babilona ke o tjhehetse leraba, la ba la o tshwasa o sa le ela hloko; o ile wa fumanwa, mme wa hapuwa, hobane o ile wa lwana, wa lwantshana le Morena.

Daniele 4:35

Baahi bohle ba lefatshe hase letho; o etsa thato ya hae ka mabotho a lehodimo, le ho baahi ba lefatshe o etsa jwalo. Ha ho ya ka thibelang tsoho la hae, kapa a re ho yena: ‘O etsang jwale?’

1 Bakorinthe 10:22

Kapa na re ka phephetsa Morena? Na re mo feta ka matla?