Isaia 44:15 - BIBELE

¹⁵ ke patsi eo motho a besang mollo ka yona; e nngwe ya yona o ikomosa ka yona, a bese mollo ho pheha bohobe. O betla le modingwana ka yona, a o kgumamele, a etse modimo wa bohata, a o obamele.

Sesotho 1909/1961 (SO)

¹⁵ Mme motho a be le seo a ka se besang, a fele a rwalle sefate ho ikomosa ka sona, a be a bese mollo, a apehe bohobe ka sona; a iketsetse le modimo ka sona, a ntoo o kgumamela; a betle setshwantsho, a se rapele.

Isaia 44:15 ပူးပေါင်းရင်းမြစ်များ

2 Dikronike 25:14

Ha Amasiya a kgutla ho tswa timetsa Baedomo, a tla le medimo ya bana ba Seire, a e etsa medimo ya hae, a e kgumamela, mme a e tjhesetsa mokubetso.

Isaia 2:8

Naha ya sona e tletse medimo ya bohata, se kgumamela mesebetsi ya matsoho a sona, mesebetsi e bopilweng ke menwana ya sona.

Isaia 44:10

Ya etsang modimo wa bohata, kapa ya bopang setshwantsho, yena o sebeletsa lelea.

Isaia 44:14

Motho o rema fate tsa dikedare, kapa a reme tsa kiperese le tsa eike, a reme le fate tse teng kahara moru, a hlome feiye, pula e e nwesetse;

Isaia 44:16

Ka patsi e nngwe o besa mollo, a phehe dijo tsa hae ho wona, a bese nama, a e je, a be a kgore. Mollong oo o ye a ikomose, a re: “A! ke futhumetse, ke orile mollo!”

Isaia 44:17

Ka e setseng o betla modimo wa bohata, modingwana wa hae a o obamele, a o kgumamele, a o rapele, a re ho wona: “Ako mpholose, o modimo wa ka!”

Isaia 45:20

“Kgobokanang, le tle, le atameleng mmoho, lona ba phonyohileng ho baditjhaba, dithoto ting! le tsamayang le jere, le jere medimo ya bohata, ya lehong, lona ba rapelang medimo e ke keng ya le pholosa.

Isaia 46:6

Ba bang ba ntsha kgauta ka mekotleng ya bona, ebe ba bea silefera sekaleng, ba hira lelala la kgauta ho etsa setshwantsho, tshwantsho sa modimo wa bohata, ba se obamele, ba se kgumamele.

Tshenolo 9:20

Ha e le batho ba sa kang ba bolawa ka dikotlo tsena, ha ba a ka ba bakela mesebetsi ya bona; ba nnile ba tswela pele ho kgumamela bademona, ditshwantsho tsa medimo ya bohata, tsa kgauta, le tsa silefera, le tsa lethose, le tsa lejwe, le tsa lehong, tse ke keng tsa bona, kapa tsa utlwa, kapa tsa tsamaya.

Baahlodi 2:19

Empa e ne e ye ere ha moahlodi a eshwa, ba boele mekgweng ya bona, ba etse tse kgopo le ho feta bo-ntata bona; ba boele ba latele medimo e meng, ba e sebeletse, ba e kgumamele. Ba ne ba sa ke be ba tlohele mesebetsi ya bona e kgopo, kapa manganga a bona.