Isaia 26:19 - BIBELE

¹⁹ Bafu ba lona ba tla boela ba phele, ditopo tsa bona di tla boela di tsoha. Lona ba phelang leroleng, tsohang le bine; kahobane phoka ya hao e tshwana le phoka ya hoseng, fatshe le tla boela le tsosa bafu ba lona.

Sesotho 1909/1961 (SO)

¹⁹ Bafu ba hao a ba ke ba boele ba utlwe; ditopo tsa ka a di ke di tsoswe! Tsohang, lona ba robetseng leroleng, le thabe, hobane phoka ya hao ke phoka e medisang, mme lefatshe le tla ntsha bafu ba ho lona.

Isaia 26:19 ပူးပေါင်းရင်းမြစ်များ

Jobo 14:8

Leha motso wa sona o ka tsofalla mobung, kutu ya sona ya bolla leroleng,

Jobo 29:19

metso ya ka e name ho ya fihla metsing, phoka e lale makaleng a ka, e lale bosiu bohle,

Dipesaleme 110:3

Setjhaba sa hao se tla ithaopa, mohla o futuhelang dira tsa hao. Jwaloka phoka e lalang kameso, bahlankana ba tla tla ho wena maralleng a halalelang.

Dipesaleme 22:15

Ke jwaloka metsi a tsholohang, masapo a ka a tswenehile; pelo ya ka e jwaloka tshotso, e qhibidiha ka sefubeng sa ka;

Dipesaleme 22:29

hobane puso ke ya Morena, mme o rena hodima ditjhaba.

Dipesaleme 71:20

Le hoja o nkutlwisitse matshwenyeho, matshwenyeho a mangata, a bohloko, o tla boela o mmatlafatse, o boele o nnyolle botebong ba lefatshe;

Dipesaleme 88:11

Na bafu o ka ba etsetsa dimakatso? Na ba shweleng ba ka tsoha, ba o rorisa?

Isaia 18:4

Morena o itse ho nna: “Ke tla tadima ke le leahong la ka, ke kgutsitse, sa ha tsatsi le tjhesa haholo, sa phoka e lalang ha ho kotulwa.”

Isaia 25:8

Morena Modimo o tla fedisa lefu, le felle ruri, a hlakole meokgo fahlehong tsa batho bohle, a tlose dihlong tjhabeng sa hae fatsheng lohle, hobane Morena o buile jwalo.

Isaia 51:17

Tsoha! Tsoha! Ema wena Jerusalema, wena ya nweleng senwelo sa kgalefo, sa kgalefo ya Morena se le atleng sa hae, wena ya minyeletsang maritsa, maritsa a jwala bo tsekedisang batho.

Daniele 12:2

Ba bangata ba seng ba shwele ba tla boela ba tsoha: Ba bang ba tsohele bophelo ba kamehla yohle, ba bang ba tsohele hore ba hlajwe ke dihlong, ba nyedisehe kamehla yohle.

Hosea 13:14

“Na nka ba phemisa, ka ba phemisa Nqalo ya Bafu? Na nka ba lopolla tleneng tse lefu? wena lefu, lokisa mahloko a hao! Wena lebitla, tjhorisa motsu wa hao! Ha ke na ho ba le kutlwelobohloko!

Hosea 14:5

Ho Iseraele ke tla ba jwaloka phoka, Iseraele o tla thunya sa mohaladitwe, a mele metso sa kedare ya Lebanone.

Hosea 6:2

Kamora matsatsi a mabedi o tla re phedisa, ka tsatsi la boraro ebe o a re emisa, re tle re phele mmoho le yena.

Sakaria 8:12

“Tjhai e tla ba kgolo, morara o behe haholo, mobu o atlehise dijalo, mahodimo a nese pula e ngata. Ke tla sitsa masalla a setjhaba sena ka dintho tsena tsohle.

Mattheu 27:52

mabitla a buleha, ditopo tsa bahalaledi ba bangata ba ithobaletseng tsa tsoha;

Mattheu 27:58

A ya ho Pilato, mme a kopa setopo sa Jesu. Yaba Pilato o laela hore a se newe.

Diketso 24:15

Hape ke na le tshepo eo le bona ba nang le yona ho Modimo, ya hore ba lokileng le ba kgopo ba tla tsoha bafung.

1 Bakorinthe 15:20

Empa Kreste o fela a tsohile bafung, mme ke yena letsibolo la ba shweleng.

Baefese 5:14

Tsohle tse bonahatswang ke lesedi di fetoha lesedi. Ke ka baka leo ho thweng: “Tsoha, wena morabadi, tsoha bafung, mme Kreste o tla o bonesetsa.”

Deuteronoma 32:2

Thuto tsa ka di tla rotha jwaloka pula, polelo tsa ka di monyele jwaloka phoka, jwaloka lefafatsane hodima jwang bo botalana, le jwaloka modupe hodima dijalo.

Deuteronoma 33:13

“Ho Josefa a re: “ ‘Morena a hlohonolofatse naha ya hae, ka phoka ya bohlokwa ya lehodimo, le ka metsi a kgukguthang katlasa lefatshe;

Deuteronoma 33:28

Jwale Iseraele o phela ka kgotso, sediba sa Jakobo se inotshi feela, naheng ya koro le ya veine e ntjha; e, mahodimo a nesa pula.

BaFilipi 3:10

Ke batla ho tseba Kreste feela, le matla a tsoho ya hae, ke be le kabelo mahlokong a hae, ka ho tshwana le yena lefung la hae,

BaFilipi 3:21

O tla fetola mmele ya rona e nyedisehang, hore e tshwane le mmele wa hae o tlotlehang, ka matla ao a nang le wona a ho bea tsohle tlasa hae.

1 Samuele 2:6

“Morena o a bolaya, o bile o a phedisa; o theolela Nqalong ya bafu, a ba nyolle teng hape.