Genese 50:9 - BIBELE

⁹ A nyoloha le dikariki, le bapalami ba dipere, mme ya eba lebotho le leholo haholo.

Sesotho 1909/1961 (SO)

⁹ Ha ya le yena makoloi le ba dipere, letshwele ya eba le leholoholo.

Genese 50:9 ပူးပေါင်းရင်းမြစ်များ

Genese 41:43

A mo palamisa kariking e hlahlamang ya hae, mme batho ba howa, ba re: “Suthang!” Ka mokgwa o jwalo a mmea hodima naha yohle ya Egepeta.

Genese 46:29

Josefa a pana kariki ya hae, a nyolohela Goshene ho ya teana le ntatae. Hang ha ba kopana, a mo kopa molaleng, a llela ho yena halelele.

Genese 50:10

Yare ha ba fihla Seotlong sa Meutlwa, kamose ho Jorodane, ba lla sello sa mmokotsane, mme Josefa a qeta matsatsi a supileng a llela ntatae.

Genese 50:8

Le bohle ba lelapa la Josefa, le bana babo, le ba lelapa la ntatae, ba ya le yena; ba siya bana ba bona feela, le mehlape ya dinku le ya dikgomo, seterekeng sa Goshene.

2 Marena 18:24

Haeba o tshepile hore Egepeta e tla o nea dikariki tsa ntwa le bapalami, ebe o ka tseba ho phekgola molaodi leha a le mong feela wa bahlanka ba eisehang ba monga ka?

Eksoda 14:17

Bona, ke tla thatafatsa dipelo tsa Baegepeta, mme ba tla ba sala morao. Ke tla itlotlisa ka Faro, le ka mabotho a hae, le ka dikariki tsa hae tsa ntwa, le ka bapalami ba hae.

Eksoda 14:28

Jwale metsi a kgutla, a kwahela dikariki tsa ntwa le bapalami, mmoho le mabotho wohle a Faro a neng a ba setse morao ho ya fihla lewatleng, empa ha ho le ya mong wa bona ya ileng a phonyoha.

Eksoda 14:7

A nka dikariki tsa ntwa tse makgolo a tsheletseng, tse kgethilweng, le dikariki tsohle tsa Egepeta, le balaodi ba di laolang.

Sefela sa Salomone 1:9

Wena moratuwa, o ka pitse ya sethole, e hulang kariki ya Faro ya ntwa.

Diketso 8:2

Banna ba tshabang Modimo ba epela setopo sa Setefane, mme ba mo llela haholo.