Genese 37:24 - BIBELE

²⁴ ba mo nka, ba mo akgela ka ledumeleng. Ledumela lena le ne le se na letho, le se na metsi.

Sesotho 1909/1961 (SO)

²⁴ ba mo nka, ba mo dihela lemeneng; mme lemena leo le ne le le feela, le se na metsi.

Genese 37:24 ပူးပေါင်းရင်းမြစ်များ

Genese 37:23

Yare ha Josefa a fihla ho bana babo, ba mo hlobodisa seaparo sa hae se fihlang matsohong le maotong, seo a neng a se apere;

Genese 37:25

Jwale ba dula fatshe, ba eja. Yare ha ba phahamisa mahlo ba bona mokoloko wa Baishemaele ba tswang Gileade, ba le leetong, ba ya Egepeta, dikamele tsa bona di belesitswe boroku, le ditlolo, le mmira.

Genese 42:21

Jwale ba buisana tjena: “Ruri re molato ka baka la ngwanabo rona, eo leha re ne re bona mahlomola a moya wa hae ha a re rapela, re sa kang ra mamela; ke ka hona mahlomola ana a re hlahetseng.”

Dipesaleme 35:7

Ba ntjhehile ka leraba ntle ho lebaka, ba ntjheketse lemena ntle ho lebaka.

Dipesaleme 40:2

Ke ile ka lebella Morena ka mamello; a retelehela ho nna, a mamela sello sa ka.

Dipesaleme 88:6

Ke rapaletse hara bafu, ke jwaloka babolauwa ba robetseng ka lebitleng, bao o seng o sa ba hopole, bao o seng o sa ba thuse ka letsoho la hao.

Dipesaleme 88:8

Kgalefo ya hao e nkimetse, maqhubu wohle a hao a mpupeditse.

Jeremia 38:6

Yaba ba nka Jeremia, ba mo akgela ka mokoting a tjhekilweng ke Malakiya, mora wa kgosi, o neng o le lebaleng la tjhankana, ba mo theolela ka mokoting ka mehala. Ho ne ho se metsi ka mokoting, haese seretse feela. Yaba Jeremia o tetebela seretseng.

KOLI-YA-MALLA 4:20

Motlotsuwa wa Morena, eo re phelang ka yena, o ila wela mameneng a bona; yena eo re neng re bua ka yena, re re: “Tlasa moriti wa hae re tla phela hara baditjhaba!”

Sakaria 9:11

Morena o re: “Ka baka la selekane sa rona le wena, se tiisitsweng ka madi a mahlabelo, bathopuwa ba hao ke tla ba lokolla, ke ba ntshe ledumeleng le se nang metsi.