Genese 30:14 - BIBELE

¹⁴ Ka nako eo ho kotulwang koro ka yona, Rubene a fumana ditholwana tsa moratiso masimong, mme a di tlisetsa mmae Lea. Jwale Ragele a re ho Lea: “Ako mphe hle, tse ding tsa ditholwana tsa moratiso tsa mora wa hao.”

Sesotho 1909/1961 (SO)

¹⁴ Yare ha Rubene a ile naheng mohla ho kotulwang koro, a fumana diduda naheng, a di tlisetsa Lea, mmae. Yaba Ragele o re ho Lea: Ako nkarolele diduda tsa mora hao.

Genese 30:14 ပူးပေါင်းရင်းမြစ်များ

Genese 25:30

Yaba Esau o re ho Jakobo: “Ako mphe ntho e kgubedu eno, ntho e kgubedu eno hle, ke je, hobane ke lapile haholo!” Ke ka baka leo a reilweng lebitso la Edomo.

Genese 30:15

Empa Lea a re ho yena: “Na ke ntho e nyenyane ha o nkile monna wa ka, mme jwale o rata ho nka le ditholwana tsa moratiso tsa mora wa ka?” Ragele a araba, a re: “E, a ka nna a robala le wena bosiung bona, ha o ka mpha ditholwana tsa moratiso tsa mora wa hao.”

Genese 30:16

Mantsiboya, ha Jakobo a kgutla masimong, Lea a tswa ho ya mo kgahlanyetsa, mme a re ho yena: “O tshwanetse ho tla robala le nna bosiung bona, hobane ke o rekile ka ditholwana tsa moratiso, tsa mora wa ka.” Yaba o robala le yena bosiung boo.

Sefela sa Salomone 7:13

Apole tsa moratiso di nkga hamonate, tholwana tsa mefuta yohle di pela monyako wa rona; tholwana tse ntjha le tholwana tsa kgale ke o boloketse tsona, wena moratuwa.

Ezekiele 48:25

Naha ya Simeone e sehelane moedi le naha ya Isakare.