Genese 24:35 - BIBELE

³⁵ Morena o hlohonolofaditse monga ka haholo, o mo entse hore e be morui. O mo file mehlape ya dinku le ya dikgomo, le silefera le kgauta, le bahlanka le makgabunyane, le dikamele le ditonki.

Sesotho 1909/1961 (SO)

³⁵ Jehova o hlohonolofaditse mong a ka haholo, ebile ke motho e moholo, mme o mo neile manku le makgomo, le silefera, le kgauta, le bahlanka ba batona le ba batshehadi, le dikamele le diesele.

Genese 24:35 ပူးပေါင်းရင်းမြစ်များ

Genese 12:16

Ka baka la mosadi eo, Aborame a baballeha. A newa mehlape ya dinku le ya dikgomo, makgoba a banna le a basadi, ditonki tse tona le tse tshehadi, le dikamele.

Genese 12:2

“Ke tla o etsa setjhaba se seholo, ke o hlohonolofatse, ke tumise lebitso la hao, mme ba bang ba tla hlohonolofala ka wena.

Genese 12:3

Ke tla hlohonolofatsa ba o hlohonolofatsang, ke rohake ba o rohakang. Ka wena ditjhaba tsohle tsa lefatshe di tla hlohonolofatswa.”

Genese 13:2

Aborame o ne a ruile mehlape e mengata, le silefera, le kgauta.

Genese 24:1

Aborahama o ne a se a tsofetse, a atetswe ke ditshiu, mme Morena o ne a mo hlohonolofaditse dinthong tsohle.

Genese 25:11

Kamora lefu la Aborahama, Modimo a hlohonolofatsa Isaka, mora wa hae. Isaka a aha Sedibeng sa Lakai-Roi.

Genese 25:5

Aborahama a nea Isaka tsohle tseo a nang le tsona.

Genese 30:43

Ka mokgwa o jwalo Jakobo a rua ka ho fetisisa, mme a ba le mehlape e mengata, le makgabunyane, le bahlanka, le dikamele, le ditonki.

Genese 49:25

Modimo wa ntatao a ke a o thuse, yena Ya Matla wohle a ke a o hlohonolofatse, ka mahlohonolo a tswang hodimo, lehodimong, ka mahlohonolo a tswang madibeng katlasa lefatshe, ka mahlohonolo a ho tswala le ho nyantsha.

Jobo 1:3

O ne a ruile dikgutshwane tse dikete tse supileng, le dikamele tse dikete tse tharo, le dipholo tse sekete, le ditonki tse tshehadi tse makgolo a mahlano. O ne a ena le bahlanka ba bangata, kahoo e le morui ya fetang barui bohle ba Botjhabela.

Dipesaleme 107:38

A ba hlohonolofatsa, ba ngatafala haholo, a ba atisetsa leruo la diphoofolo.

Dipesaleme 112:3

Menono le maruo di ka tlung ya hae, ho loka ha hae ho hlola kamehla yohle.

Dipesaleme 18:35

yena ya nthutang ho lwana, yena ya nthutang ho hula seqha sa lethose.

Diproverbia 10:22

Hlohonolo la Morena le entsha motho, ha ho maswabi ao le a tlisang.

Diproverbia 22:4

Boikokobetso le ho tshaba Morena di tlisa leruo le tlotla le bophelo.

Mattheu 6:33

Jwale batlang Mmuso wa Modimo le ho loka ha hae pele, mme tsena tsohle le tla di ekeletswa.

Luka 12:45

Empa ha mohlanka eo a re ka pelong ya hae: ‘Monga ka o dieha ho fihla,’ ebe o qala ho otla bahlanka le makgabunyane, le ho ja, le ho nwa, le ho tahwa,

1 Timothea 4:8

Kwetliso ya mmele ha e na thuso e kgolo, athe borapedi bo na le thuso dinthong tsohle, bo re tshepisa bophelo ba hona jwale, esita le ba nako e tlang.