Ezekiele 5:1 - BIBELE

¹ “Wena ngwana motho, nka sabole e bohale, o e sebedise e le lehare, o ipeole hlooho le ditedu. O nke sekala, ebe o bea moriri wa hao hodima sona ka dihlopha tse tharo.

Sesotho 1909/1961 (SO)

¹ Jwale, wena mora motho, o tle o inkele tshepe e bohale, o nke lehare la mmeodi, o ipeole hlooho le ditedu; o ntoo nka sekala sa ho lekanya, o arole moriri.

Ezekiele 5:1 ပူးပေါင်းရင်းမြစ်များ

Isaia 7:20

Mohla tsatsi leo, Morena o tla beola ka lehare le adimilweng kamose wane ho Noka, e leng kgosi ya Asiria. O tla beola dihlooho tsa lona, le mohwete o meomong ya lona, a le beole le ditedu.

Jeremia 19:1

Morena o bua tjena: “Tsamaya, o yo reka nkgo ya letsopa. O tsamaye le ba bang ba baholo ba setjhaba, le ba bang ba baprista ba seng ba hodile.

Ezekiele 4:1

“Wena ngwana motho, nka letlapa o le bee kapele ho wena, o etse setshwantsho sa motse wa Jerusalema hodima lona.

Ezekiele 44:20

“ ‘Ba se ke ba beola dihlooho tsa bona, kapa ba hodisa moriri wa bona, ba mpe ba o fokotse feela.

Daniele 5:27

TEKELE ke ho re: O beilwe sekaleng, mme o fumanwe o le bobebe.

Levitike 21:5

“ ‘Baprista ba se ke ba beola moriri o hara hlooho tsa bona, ba se ke ba sekola ditedu tsa bona, leha e le ho iphatsa mmeleng.