Ezekiele 48:15 - BIBELE

¹⁵ “Karolo e setseng, e etsang bolelele ba dikilomethara tse leshome le metso e mmedi le halofo, le bophara ba dikilomethara tse pedi le halofo, yona hase e halalelang, mme ke e tla sebediswa ke setjhaba ho haha metse, matlo a bodulo le ho etsa makgulo. Motse o tla ba bohareng ba karolo ena.

Sesotho 1909/1961 (SO)

¹⁵ Haele ditswe tse kete tse hlano tse setseng bophareng, ho tse dikete tse mashome a mabedi a metso e mehlano, ke tse sa halalelang, tsa ho etsa motse le matlo le metsana; motse o tla ba mahareng a naha eo.

Ezekiele 48:15 ပူးပေါင်းရင်းမြစ်များ

Ezekiele 22:26

Baprista ba bona ba tlotse melao ya ka, ba silafatsa dintho tsa ka tse halalelang. Le hoja ba tseba, ha ba kgetholle ntho e halalelang ho e sa halaleleng; ha ba rute batho ho kgetholla se hlwekileng ho se sa hlwekang. Ha ba tsotelle ho boloka Disabatha tsa ka, kahoo ba a ntlontlolla.

Ezekiele 42:20

Setsha seo a se metha ka mahlakoreng a mane. Ho ne ho ena le lerako le se potolohang, leo bolelele ba lona e neng e le dimethara tse makgolo a mabedi le mashome a mahlano, bophara ba lona e le dimethara tse makgolo a mabedi le mashome a mahlano, e le le arolang sebaka se halalelang ho se sa halaleleng.

Ezekiele 44:23

“ ‘Baprista ba tla ruta setjhaba sa ka phapano pakeng tsa ntho e halalelang le e sa halaleleng, mme ba etse hore ba kgetholle e sa hlwekang ho e hlwekileng.

Ezekiele 45:6

“ ‘Haufi le setsha se halalelang, karolo e nngwe e bolelele ba dikilomethara tse leshome le metso e mmedi le halofo, le bophara ba dikilomethara tse pedi le halofo, e tla ba setsha sa motse, moo bana bohle ba Iseraele ba ka ahang teng.’ ”

1 Timothea 3:15

Empa haeba nka dieha, o se o ntse o tseba kamoo o tshwanetseng ho itshwara kateng ka tlung ya Modimo, e leng kereke ya Modimo ya phelang, tshiya le motheo wa nnete.