Ezekiele 31:4 - BIBELE

⁴ E ne e nwesetswa ke metsi a mangata, didiba tse ka fatshe tsa e hodisa haholo, metsi a tsona a phalla ho pota kutu ya yona, makalana a tsona a nwesetsa difate tsohle.

Sesotho 1909/1961 (SO)

⁴ Ya nna ya mediswa ke metsi, dikgohola tsa nna tsa hodisa bophahamo ba yona, ka ho teela nqalo eo e hlomilweng ho yona hare ka diphororo tsa tsona, mme tsa nna tsa fihlisa dikeledi tsa tsona difateng tsohle tse naheng.

Ezekiele 31:4 ပူးပေါင်းရင်းမြစ်များ

Diproverbia 14:28

Tlotla ya kgosi ke ho busa tjhaba se le sengata, athe kgosana e timela ke ho hloka setjhaba.

Jeremia 51:36

Ka baka leo, Morena o bua tjena: “Bona, ke tla o buella ke be ke o phetetse, mehlodi ya metsi a Babilona ke tla e pshesa, didiba tsa yona di kgaotse ho kopotsa.

Ezekiele 17:5

“ ‘Ntsu ya nka le peo ya naha eo, ya ya e jala mobung wa selokwe, ya e uta pela metsi a nwesetsang, ya e hloma sa lekala la moduwane.

Ezekiele 17:7

“ ‘Ho no ena le ntsu e nngwe hape e kgolo, e mapheo a maholo, a masiba a mangata; morara wa lebisa metso ya wona ho ntsu eo, le makala a wona a lebiswa ho yona, hore e o nwesetse ka metsi a mangata ho feta kamoo o nwesetswang kateng.

Ezekiele 17:8

Morara o no so hlonngwe mobung wa selokwe, o hlonngwe pela metsi, metsi a nwesetsang, hore o tlo medise makala a wona, o a medise, a behe le ditholwana, e be morara wa bohlokwa, o motlemotle.’

Tshenolo 17:1

Jwale ha tla le leng la mangeloi a supileng a nkileng mafiswana a supileng, la bua le nna, la re: “Tloo, ke o bontshe kahlolo ya seotswa se seholo, se ahileng lebopong la lewatle,

Tshenolo 17:15

Lengeloi la nto re ho nna: “Lewatle leo o le bonang, moo seotswa se ahileng teng, ke ditjhaba, le matshwele, le merabe, le ba dipuopuo.