Ezekiele 26:15 - BIBELE

¹⁵ Morena Modimo o bua tjena ho Tire: “Na dinaha tse pela lewatle ha di na ho thothomela ha di utlwa hore o wele, ha mahlatsipa a ntse a dumaela, mme batho ba bolawa hara motse wa hao?

Sesotho 1909/1961 (SO)

¹⁵ Morena Jehova o re ho Tire: Ha ke re, dihlekehleke di tla reketliswa ke modumo wa ho wa ha hao, le ke ho bobola ha ba hlabilweng, le ke polao e tla etswa ha hao?

Ezekiele 26:15 ပူးပေါင်းရင်းမြစ်များ

Isaia 2:19

Batho ba tla balehela mahaheng, ba balehele katlasa mafika, ba kene mekoting e tjhekilweng fatshe, ka baka la ho tshaba Morena le kganya ya botletlehi ba hae, ha a phahama ho tshosa lefatshe.

Isaia 41:5

Ba dihlekehlekeng ba ile ba bona, mme ba kenwa ke tshabo, ba pheletsong tsa lefatshe bona ba thothomela, yaba ba a tla, ba atamelana,

Jeremia 49:21

Etlare ha ba ewa lefatshe le reketle, seboko sa bona se yo utlwahala, se utlwahale Lewatleng la Lehlaka.

Ezekiele 26:10

Dipere tsa hae di tla ba ngata hoo di tla o kwahela ka lerole. Lekitikiti la dipere, le la makoloi le la dikariki tsa ntwa le tla sisinya mabota a hao, ha a kena dikgorong tsa hao jwaloka banna ba kenang motseng oo marako a wona a heleditsweng.

Ezekiele 26:18

Jwale dihlekehleke di a thothomela, di thothomela ka tsatsi la ho wa ha hao; lewatleng dihlekehleke di tshohile, di tshohile ka baka la ho wa ha hao.’ ”

Ezekiele 26:21

Ke tla o fedisa ka mokgwa o tshabehang, mme ha o sa tla hlola o eba teng. Ba tla o batla, empa ba ke ke ba hlola ba sa o fumana, ho rialo Morena.”

Ezekiele 27:28

Naha tse bopong la lewatle di tla reketla, di reketle ha basesisi ba hao ba howa!

Ezekiele 27:35

Batho bohle ba ahileng mabopong a lewatle, pheletso ena ya hao e ba tshositse; dikgosi tsa bona di tetemisa dirope, fahleho tsa tsona di tsunkantswe ke letswalo.

Ezekiele 31:16

Ka etsa hore ditjhaba di thothomele ha di utlwa modumo wa ho wa ha kedare eo, ha ke e lahlela ka lebitleng mmoho le ba theohelang mohohlong. Jwale difate tshole tsa Edene, le tse ntlentle, tse kgahlehang tsa Lebanone, tsohle tse nwesetswang, tse ka mohohlong, di tla thabela ho wa ha kedare eo.

Ezekiele 32:10

Ke tla etsa hore tjhaba tse ngata di o makalle, kgosi tsa tsona di thothomele ke tshabo, ha ke tsokotsa sabole ya ka kapele ho tsona. Mohla tsatsi la timelo ya hao, batho ba tla thothomela ka nako tsohle, motho ka mong a thothomele ke tshabo, a thothomele ke ho tshaba lefu la hae.