Ezekiele 22:18 - BIBELE

¹⁸ “Wena ngwana motho, ho nna ba ntlo ya Iseraele ba fetohile manya; bohle ke lethose feela, le lekapakapa, le tshepe, le loto tse kahara sebopi; ke manya feela a silefera.

Sesotho 1909/1961 (SO)

¹⁸ Mora motho ba ntlo ya Iseraele ho nna ba fetohile manya; ke koporo feela, le tine, le tshepe, le loto tse seboping; kaofela ha bona ke manya a silefera.

Ezekiele 22:18 ပူးပေါင်းရင်းမြစ်များ

Dipesaleme 119:119

Bohle ba lefatshe ba kgopo o ba tadima e le manya, kahoo ke rata ditemoso tsa hao.

Diproverbia 17:3

Silefera e hlwekiswa ka ho qhibidiswa pitseng, kgauta yona e hlwekiswa ka sebopi sa yona; athe dipelo tsona di hlahlojwa ke Morena.

Diproverbia 25:4

Hlwekisa silefera ka ho e ntsha manya, lelala le tle le tsebe ho bopa nkgo ka yona.

Isaia 1:22

Silefera ya wona e fetohile manya, veine ya wona e hlapolotswe ka metsi.

Isaia 1:25

Letsoho la ka le tla o lwantsha, ke o hlatswisise manya a hao, ke fedise ho se hlweke ha hao.

Isaia 31:9

Kgosi ya bona e tla baleha ke ho tshaba, balaodi ba lahle mekgele ya bona ke ho tshoha,” ho rialo Morena eo mollo wa hae o leng Sione, eo sebopi sa hae se leng Jerusalema.

Isaia 48:10

Bona! ke o hlwekisitse, le hoja e se sa silefera; ke o lekile ka seboping sa matshwenyeho.

Isaia 48:4

Ke tsebile kamoo o leng manganga kateng; molala wa hao o sataletse sa tshepe, phatla ya hao yona e ka lethose.

Ezekiele 22:17

Yaba lentswe la Morena le fihla ho nna, le re:

Ezekiele 22:19

Ka baka lena, Morena Modimo o bua tjena: ‘Kahobane lona bohle le fetohile manya, ke tla le kgobokanya Jerusalema.

Ezekiele 22:20

Jwalokaha batho ba bokella silefera, le lethose, le tshepe, le loto, le lekapakapa ka seboping ho di qhibidisa ka mollo, le nna ke tla le kgobokanya kahara motse ke halefile, kgalefo ya ka e tlokoma, ke le tlohele hona teng, le qhibidihe.

Daniele 3:6

Mang le mang ya sa tlo itihela fatshe, a kgumamele setshwantsho, hanghang o tla akgelwa kahara sebopi se tukang malakabe.”