Ezekiele 21:12 - BIBELE

¹² Bokolla, o howeletse, wena ngwana motho, hoba sabole e tlela setjhaba sa ka, e tlela mahosana a Iseraele. Matshabeho a tliswang ke sabole a tla wela setjhaba sa ka hodimo, a wele le mahosana a sona hodimo. Swaba, o kebise hlooho ya hao!

Sesotho 1909/1961 (SO)

¹² Howa, o purume, mora motho, hobane le ya ba setjhabeng sa ka, le ya ba ho mahosana wohle a Iseraele; a neetswe lerumong hammoho le setjhaba sa ka. Ha ho le jwalo, phathatsa seropeng sa hao.

Ezekiele 21:12 ပူးပေါင်းရင်းမြစ်များ

Isaia 13:7

Ka baka leo, matsoho wohle a tla tepella, batho bohle ba fellwe ke tshepo.

Jeremia 25:34

Lona badisa llang, le bokolle haholo, lona beng ba mohlape ipitikeng hodima molora; nako ya ho bolawa ha lona e fihlile, nako ya ho qhalanngwa ha lona e phethahetse; le tla wa, le pshatlehe sa lefiso le letleletle!

Jeremia 31:12

Ba tla tla ba bine ba le hodima Sione, ba thabele bongata ba dimpho tsa Morena, e leng koro le veine le ole, le dikonyana, le dipotsanyane le manamane. Ba tla tshwana le serapa se nwesetswang hantle, ba ke ke ba hlola ba eba le mahlomola.

Jeremia 31:19

Ruri hoba ke kgelohe ke ile ka ikwahlaya, yare hoba ke rutwe ka kebisa hlooho ke ho swaba. Ka hlajwa ke dihlong, pelo ya ka ya nyahama, ka inyatsetsa dibe tsa botjha ba ka.’

Ezekiele 21:11

“ ‘Sabole e ntshitswe, e ntsheditswe ho tshotswa, hore e tshwarwe, e tiye ka letsohong; e leoditswe ya ba ya tshotswa, hore e newe mmolai ka letsohong.

Ezekiele 21:13

“ ‘Tjhaba sena sa ka ke se bea tekong; haeba se fela se hana ho baka, tsena tsohle di tla etsahala ho sona, ho rialo Morena Modimo.’

Ezekiele 21:14

“Porofeta, ngwana motho, o be o ope diatla, sabole e hlathe habedi, e hlathe hararo, sabole ya ho ba bolaya e ba etsa mofela, e ba etseditse sakana-la-nkope.

Ezekiele 21:25

“ ‘Wena kgosana e silafetseng, e kgopo ya Iseraele, letsatsi la kotlo ya hao le se le fihlile, mme bophelo ba hao bo kgopo bo tla fela!

Ezekiele 21:6

“Ka baka lena, fehelwa wena ngwana motho! Fehelwa ka pelo e bohloko le ka maswabi a maholo moo ba ntseng ba o bona.

Ezekiele 22:6

“ ‘Bona kamoo e mong le e mong wa mahosana a Iseraele, ao e leng baahi ba hao, a sebedisang matla a hae ho tsholla madi kateng!

Ezekiele 30:2

“Wena ngwana motho, porofeta, o re: ‘Morena Modimo o bua tjena: “ ‘Bokollang, le re: “A tsatsi le madimabe!”

Ezekiele 6:11

Morena Modimo o bua tjena: “Opang diatla, le tile ka maoto, le howeletse, le re: ‘Bomadimabe bona bo etsahala ka baka la mesebetsi e manyala ya ba ntlo ya Iseraele, hobane ba tla bolawa ka sabole, le ke sekoboto, le ke lefu la sewa!’

Ezekiele 7:17

Matsoho a bohle a tla kgathala, mangwele wohle a otlane ke letswalo.

Ezekiele 9:8

Ha ba ntse ba bolaya batho jwalo, ke ne ke setse ke le inotshi. Yaba ke itihela fatshe ka sefahleho, ke howa haholo, ke re: “Oho, Morena Modimo! Na o tla timetsa masalla wohle a Iseraele ha o hlatsetsa kgalefo ya hao hodima Jerusalema?”

Joele 1:13

Lona baprista, aparang tse mahwashe, le lle! Lona basebeletsi ba aletare, bokollang! Tloong, le lale le apere, le apere tse mahwashe, lona basebeletsi ba Modimo wa ka, hoba nyehelo ya dijo le ya dino e fedisitswe ka Tempeleng, ka Tempeleng ya Modimo wa lona.

Joele 2:1

Letsang lenaka le le Sione, le hlabe mokgosi thabeng ya ka e halalelang! Baahi bohle ba naha ba thothomele, hobane letsatsi la Morena le atametse, tsatsi la Morena le se le le haufi.

Mikea 1:8

Yaba Mmikiya o re: “Kahoo ke tla lla, ke bokolle, ke tsamaye ke hlobotse, maotong ke sa rwala; ke tla ngaya sa phokojwe ha e ngaya, ke purume sa mpshe ha e puruma.