Ezekiele 21:10 - BIBELE

¹⁰ E leoditswe hore e tle e etse mofela, ya tshotswa hore e phatsime sa lehadima! “ ‘Na re lokela ho nyakalla, re thabe? Tjhaba sa ka se ile sa nyedisa, sa nyedisa dikotlo le dikeletso tsohle.

Sesotho 1909/1961 (SO)

¹⁰ Le leoditswe ho akofisa polao, le bentshitswe hore le tle le hadime. Kapa a re tla thabela lere la mora ka, le nyedisang difate tsohle tse ding na?

Ezekiele 21:10 ပူးပေါင်းရင်းမြစ်များ

2 Samuele 7:14

Ke tla ba ntatae, mme yena e be mora wa ka, empa haeba a ka etsa bokgopo, ke tla mo otla ka thupa e kgalemelang bana, le ka meupa eo batho ba e shapang bana ba bona.

Esthere 3:15

Maqosa a matha ka potlako, a susumetswa ke taelo ya kgosi, mme taelo eo ya phatlalatswa Shushane, motseng wa bokgosi. Jwale kgosi le Hamane ba dula, ba enwa, empa motse wa Shushane wona o ne o ferekane.

Moeklesia 3:4

nako ya ho lla le nako ya ho tsheha, nako ya maswabi le nako ya mohobelo;

Jeremia 23:20

Kgalefo ya Morena ha e ka ke ya kgaotsa, ho fihlela e phethahatswa ke yena, ho fihlela a phethile merero ya hae; sena le tla se utlwisisa mehleng ya ho qetela.

Jeremia 46:4

Qhanehang dipere le di palame! Theang theko le rwetse katiba tsa ntwa! Tshotsang marumo, le apare tsa ntwa!

Ezekiele 20:47

Ere ho moru o ka borwa: ‘Mamela lentswe la Morena. Morena Modimo o bua tjena: Ke lekgatheng la ho hotetsa mollo o tla tjhesa difate tsa hao tsohle tse talana, le tse omeletseng. Lelakabe le laimang ha le ka ke la tingwa, le tla tjhesa bohle ho tloha borwa ho ya leboya.

Ezekiele 21:11

“ ‘Sabole e ntshitswe, e ntsheditswe ho tshotswa, hore e tshwarwe, e tiye ka letsohong; e leoditswe ya ba ya tshotswa, hore e newe mmolai ka letsohong.

Ezekiele 21:4

Erekaha ke tla bolaya ba lokileng le ba kgopo, sabole ya ka e tla tswa selateng sa yona, e bolaye batho bohle, ho tloha borwa ho isa leboya.

Nahume 1:10

Ba tla tjheswa sa meutlwa e harahane, ba tjheswe sa dirite di omeletse, ba ntse ba itlopile veine ya bona.

Nahume 3:3

Bapalami ba dipere ba a kgoroha, sabole di a tsekema, marumo a a phatsima! Ditopo ke mofela, di robellane feela, bongata ba tsona ha bo na palo, batho ba kgothometseha hodima tsona.

Habakuke 3:11

Letsatsi le kgwedi tsa ema themelele! ha metsu ya hao e bebang e tsekema, ha rumo la hao le benyang le phatsima.

Tshenolo 2:27

o tla di busa ka lere la tshepe, a di pshatle jwaloka dinkgo tsa letsopa,