Ezekiele 19:5 - BIBELE

⁵ “ ‘Ha tauhadi e bona hore e lebeletse lelea, tshepo ya yona e se e bile e fedile, ya nka le leng la madinyane a yona, ya le hodisa, la fetoha tawana.

Sesotho 1909/1961 (SO)

⁵ Tauhadi eitse ha e bona hobane tshepo eo e neng e itshepisitse ka yona e timetse, ya nka ngwana wa yona e mong, ya mo etsa tawana.

Ezekiele 19:5 ပူးပေါင်းရင်းမြစ်များ

Genese 49:9

Juda ke tawana! O nyolohetse thabeng, mora wa ka, o tswa hapa; o a borama, o qatjhama jwaloka tau, mme, jwaloka tauhadi, o ka tsoswa ke mang?

2 Samuele 17:8

Hushai a tswela pele, a re: “Wena o tseba ntatao le banna ba hae; ke bahale ba pelo di mpe, ba jwaloka bere e amohilweng madinyane a yona naheng. Ntatao ke monna ya tsebang ntwa; ha a na ho robala le bahlabani ba hae.

Ezekiele 19:3

Le leng la madinyane a hae a le hodisa, la fetoha tawana; tawana ya ithuta ho tsoma le ho harola, ya harola, ya eba sejabatho.

Ezekiele 19:4

Yaba ditjhaba di utlwela ka yona, tsa e tjheha, ya wela ka lemeneng la tsona, tsa e tlama ka mahlaahlela, tsa e isa naheng ya Egepeta.

Ezekiele 19:6

Dinyane la feresa kahara ditau tse kgolo, la hola, la ba la fetoha tawana; tawana ya ithuta ho tsoma le ho harola, ya harola, ya eba sejabatho.