Ezekiele 19:4 - BIBELE

⁴ Yaba ditjhaba di utlwela ka yona, tsa e tjheha, ya wela ka lemeneng la tsona, tsa e tlama ka mahlaahlela, tsa e isa naheng ya Egepeta.

Sesotho 1909/1961 (SO)

⁴ Empa ditjhaba tsa utlwa ha e bolelwa, yaba e a tshwaswa lemeneng la tsona, tsa e isa naheng ya Egepeta, di e qebile ka mautlana dinkong.

Ezekiele 19:4 ပူးပေါင်းရင်းမြစ်များ

2 Marena 23:31

Jehowakase o ne a ena le dilemo tse mashome a mabedi a metso e meraro, ha a qala ho busa. A busa ka dikgwedi tse tharo, a le Jerusalema. Lebitso la mmae e ne e le Hamutale, moradi wa Jeremia, ya tswang motseng wa Lebena.

2 Dikronike 36:4

Kgosi ya Egepeta ya bea Eliakime, ngwanabo Jehowakase, hore e be kgosi ya Juda le ya Jerusalema. Ya mo rea lebitso la Jehoyakime. Neko a nka Jehowakase, ngwanabo Jehoyakime, a mo isa Egepeta.

2 Dikronike 36:6

Nebukadenesare, kgosi ya Babilona, a mo futuhela, a mo tlama ka mahlaahlela a lethose, a mo isa Babilona.

Jeremia 22:18

Ka baka leo, Morena o bua tjena malebana le Jehoyakime, mora wa Josiya, kgosi ya Juda: “Ha ba ka ke ba mo llela, ba re: ‘Jo nna, ngwaneso! Jo nna, kgaitsedi ya ka!’ Ha ba ka ke ba mo llela, ba re: ‘Jo nna, monga ka! Jo nna, tlotla ya hae!’

Ezekiele 19:3

Le leng la madinyane a hae a le hodisa, la fetoha tawana; tawana ya ithuta ho tsoma le ho harola, ya harola, ya eba sejabatho.

Ezekiele 19:5

“ ‘Ha tauhadi e bona hore e lebeletse lelea, tshepo ya yona e se e bile e fedile, ya nka le leng la madinyane a yona, ya le hodisa, la fetoha tawana.