Eksoda 39:29 - BIBELE

²⁹ Ba etsa le leqhama ka lesela la lene, le loehileng, le ka lesela le leputswa, le le perese, le le lefubedu, le entsweng ke sehomi, jwalokaha Morena a ne a laetse Moshe.

Sesotho 1909/1961 (SO)

²⁹ le senyepa sa lene e ntle e lohilweng le purepera, le sekarelata, le krimsone, ka mokgwa wa mesebetsi e homilweng, jwalokaha Jehova a ne a laetse Moshe.

Eksoda 39:29 ပူးပေါင်းရင်းမြစ်များ

Eksoda 25:4

masela a maputswa, le a perese, le a mafubedu, le a entsweng ka lesela la lene, le ka boya ba dipodi;

Eksoda 26:36

“Jwale ebe o etsa lesira la monyako wa Tente ya Morena; o le etse ka lesela le leputswa, le le perese, le le lefubedu, le la lene, le loehileng, mme le etswe ke sehomi.

Eksoda 27:16

“Monyakong wa seotlwana ho tla ba le lesira le bolelele ba dimethara tse robong, le entsweng ka lesela le leputswa, le le perese, le le lefubedu, le la lene le loehileng, le entsweng ke sehomi. Lesira le be le ditshiya tsa lona tse nne, le ditshehetso tsa tsona di be nne.

Eksoda 28:39

“O etse seaparo se fihlang maotong ka lesela le lene, le katiba o e etse ka lesela le jwalo, o be o etse le leqhama le homilweng.

Eksoda 39:28

le katiba ka lesela le jwalo, le dituku tsa bokgabane ka lesela le jwalo, le marikgwe ka lesela le jwalo, le loehileng.

Eksoda 39:30

Ba etsa moqhaka o halalelang ka kgauta e hlwekileng, mme hodima wona ba ngola jwalokaha ho ngolwa setempe sa bopaki, ba re: Mohalaledi wa Morena.