Eksoda 25:25 - BIBELE

²⁵ O tla e etsetsa modimako o bophara ba seatla, o e potolohang, le moqhaka wa kgauta o potapotang modimako oo wa yona.

Sesotho 1909/1961 (SO)

²⁵ O tle o e etsetse moqhaka o bophara ba seatla o e kopang, mme o e etsetse mofapo wa kgauta o potang moqhaka wa yona.

Eksoda 25:25 ပူးပေါင်းရင်းမြစ်များ

2 Dikronike 4:5

Morumo wa tanka e ne e le dimilemethara tse ka bang mashome a supileng a metso e mehlano, molomo wa yona o ahlame jwaloka molomo wa komiki, o ena le dithunthung tsa kgahla. E ne e tshela dilethara tse ka bang dikete tse mashome a tsheletseng.

Eksoda 25:24

O tla e maneha kgauta e hlwekileng, o e etsetse moqhaka wa kgauta o e potolohang.

Eksoda 25:26

O tla e etsetsa mehele e mene ya kgauta, mme o hokele mehele eo dihukung tse nne tsa maoto a yona a mane.

Eksoda 30:3

O tla e maneha kgauta e hlwekileng kahodimo le ka mahlakoreng ho e potoloha, le manakeng a yona; ebe o e etsetsa moqhaka wa kgauta o e potolohang.

Eksoda 37:12

A e etsetsa modimako o bophara ba seatla ho e potoloha, le moqhaka wa kgauta o potapotang modimako oo wa yona.

Eksoda 37:2

Yaba o e maneha kgauta e hlwekileng kantle le kahare, mme a e etsetsa moqhaka wa kgauta o e potolohang.

Ezekiele 43:13

“Tsena ke ditekanyo tsa aletare ka dimethara tseo ho methilweng Tempele ka tsona. Mosele o potapotileng aletare fatshe o ne o etsa botebo ba halofo ya methara le bophara ba halofo ya methara; bophara ba mohaolwana o potapotileng aletare bo ne bo etsa disenthimethara tse mashome a mabedi a metso e mehlano. Bona ke bophahamo ba aletare: