Diproverbia 6:23 - BIBELE

²³ Taelo ke lona lebone, thuto ke lona lesedi, kgalemo ke bona bophelo,

Sesotho 1909/1961 (SO)

²³ Hobane keletso ke lebone, thuto ke lesedi, mme dikgalemelo tsa tayo ke tsela ya bophelo;

Diproverbia 6:23 ပူးပေါင်းရင်းမြစ်များ

Genese 39:8

Empa Josefa a hana, a re ho mosadi wa monga hae: “Bona, monga ka ha a tshwenngwe ke letho ha ke le teng, tlung mona, mme tsohle tseo a nang le tsona o di beile matsohong a ka.

Dipesaleme 119:105

Lentswe la hao ke lebone maotong a ka, ke lesedi tseleng ya ka.

Dipesaleme 119:130

Qaqiso ya mantswe a hao e a edisa, ba hlokang mano e ba nea kutlwisiso.

Dipesaleme 141:5

Ho molemo ha ke otlwa ke ya lokileng, ke kgalemelwa ke yena; hoo ke ole eo hlooho ya ka e ke keng ya e hana, ke tla nne ke rapele leha ba kgopo ba ntshwenya.

Dipesaleme 19:8

Molao wa Morena o phethehile, ke mmusapelo; temoso tsa Morena di a tshepahala, di hlalefisa sethoto.

Diproverbia 10:17

Ya mamelang ha a kgalengwa o tseleng ya bophelo, empa ya sa mameleng, yena o a kgeloha.

Diproverbia 15:24

Ho ya bohlale tsela ya bophelo ke e yang hodimo, ho mo phemisa ho theohela lebitleng.

Diproverbia 15:31

Ya mamelang kgalemo e isang bophelong, o tla dula hamonate hara ba bohlale.

Diproverbia 29:15

Thupa le kgalemo di tlisa bohlale, empa ngwana ya tlohetsweng feela, o hlabisa mmae dihlong.

Diproverbia 3:18

Ho ba bo kgomarelang ke fate sa bophelo, ho lehlohonolo ba itshwarellang ka bona.

Diproverbia 4:13

Tshwara thuto ena, o e mamarele, o e dise ka thata, ke yona bophelo ba hao.

Diproverbia 4:4

ntate a na nthuta, a re: “Polelo tsa ka di se tlohe pelong ya hao, boloka taelo tsa ka o tle o phele.

Diproverbia 5:12

O tla re: “Ke ne ke hloile ho kgalengwa, ho ntshwa diphoso le hona ke ho hloile!

Moeklesia 7:26

Mosadi ya tshwasang ka maqiti a hae, eo pelo ya hae e tshwanang le sefi, matsoho a hae a kang mahlaahlela, ka fumana a tshabeha ho feta le lefu. Ya kgahlisang Modimo o tla phonyoha atleng tsa hae, athe moetsadibe yena o tla tshwaswa.

Moeklesia 7:5

Ho molemo ho mamela kgalemo ya mohlalefi, ho ena le ho mamela pina ya dithoto.

Isaia 8:20

Hlahlobang molao le bopaki ba ka! Haeba ba sa bue ho ya ka dipolelo tsena, ke hobane ha ho na lesedi le ba tjhabelang.

Jeremia 21:8

“O tle o re ho setjhaba sena: ‘Morena o bua tjena: Bonang mona, ke re le ikgethele hore na le nka tsela e isang bophelong kapa le nka tsela e isang lefung.

Ezekiele 20:11

Ke ile ka ba nea ditaelo tsa ka, ka ba ruta melao eo ereng ha motho a e boloka a phele.

Levitike 19:17

“ ‘O se ke wa jara ngwaneno ka pelo. O kgalemele mohaeno, esere wa itjarisa sebe ka baka la hae.

2 Petrose 1:19

Re bile re na le lentswe la baporofeta, le tshepahalang haholo, leo e ka bang hantle hore le le ele hloko, hobane le jwaloka lebone le kganyang lefifing, ho fihlela mesong ya Letsatsi lela, mohla Mphatlalatsane e tjhabelang dipelong tsa lona.

Tshenolo 2:5

Hopola he, hore na o wele ha o le hokae; o bake, mme o boele o phethe mesebetsi ya hao ya pele. Ho seng jwalo, ke tla tla ho wena, ke tlose sedulwana sa lebone la hao tulong ya sona, haeba o sa bake.