Diproverbia 6:17 - BIBELE

¹⁷ Ke mahlo a ikgohomosang, leleme le tletseng thetso, matsoho a tshollang madi, madi a se nang molato;

Sesotho 1909/1961 (SO)

¹⁷ Ke mahlo a boikgohomoso, ke leleme le mano, le matsoho a tshollang madi a se nang molato;

Diproverbia 6:17 ပူးပေါင်းရင်းမြစ်များ

2 Marena 21:16

Kantle ho sebe seo a entseng hore ba morabe wa Juda ba se etse, Manase o entse bobe mahlong a Morena, a tsholla madi a mangata a se nang molato, hoo a ileng a phalla kahohle motseng wa Jerusalema.

2 Marena 24:4

Hape e ne e le ka baka la madi a se nang molato, ao Manase a neng a a tsholle, a etsa hore madi a se nang molato a phalle kahohle Jerusalema; kahoo Morena a sitwa ho mo tshwarela.

Dipesaleme 10:4

Ya kgopo o swenya dinko, o re: “Modimo ha a phetetse, ha ho na Modimo.” Ke phetho seo a se nahanang.

Dipesaleme 101:5

Ya etseletsang wa habo sephiring ke tla mo timetsa, nke ke ka mamella moikgantshi le moikgohomosi.

Dipesaleme 131:1

Pesalema ya Davida. Sefela sa ho nyolohela Jerusalema. Morena, pelo ya ka ha e ikakase, mahlo a ka ha a ikgohomose; ha ke tsotelle dintho tse mphetang, leha e le tse makatsang, tse mphahametseng.

Dipesaleme 18:27

Ho ya hlwekileng, o hlwekile; empa ho molotsana, o masene.

Dipesaleme 31:18

Morena, ha ke ipiletsa ho wena ke se ke ka hlajwa ke dihlong, empa dihlong di ke di hlabe ba kgopo, ba kgutsiswe ka ho theolelwa Nqalong ya Bafu.

Dipesaleme 5:6

Baikgohomosi ba ke ke ba ema pela sefahleho sa hao; o hloile bohle ba etsang tse sa lokang.

Dipesaleme 5:7

O timetsa ba leshano; Morena o nyonya babolai le bathetsi.

Diproverbia 1:11

Ha ba re: “Tloo le rona, re yo lalla motho re mmolaye, re tsholle madi a ba se nang molato;

Diproverbia 1:16

Maoto a bona a titimela bobeng, a potlakela ho ya tsholla madi.

Diproverbia 12:22

Morena o hloile motho ya buang leshano, empa ya buang nnete yena o a mo thabisa.

Diproverbia 14:5

Paki e tshepahalang ha e ke e thetsa, empa ya bohata yona e bua leshano.

Diproverbia 16:5

Motho ya ikgantshang, Morena o a mo nyonya, ya jwalo Morena o tla mo ahlola.

Diproverbia 17:7

Sethoto ha se lokelwe ke puo tsa bokgeleke, puo ya leshano ha e lokele kgosana.

Diproverbia 21:4

Fahleho se hwapileng le pelo e ikgohomosang, e leng lebone la ba kgopo, ke sebe!

Diproverbia 26:28

Leleme le leshano le hloile bao le ba buang hampe, molomo wa leseaqheme wona o a timetsa.

Diproverbia 28:17

Ya molato wa ho tsholla madi a motho, e tla ba mophaphathehi ho isa lefung, ho se be ya lekang ho mo thiba.

Diproverbia 30:13

Moloko o teng o ikgohomosang, o shebang batho ka ho ba nyedisa.

Diproverbia 6:16

Ntho di tsheletse, tseo Morena a di hloileng, e, di supile tseo e leng manyala ho yena:

Isaia 1:15

Ha le phahamisa matsoho ho ipiletsa ho nna, ke tla ipata sefahleho; leha le ka etsa dithapelo tse ngata, nke ke be ka le mamela, matsoho a lona a kganathetse madi.

Isaia 2:11

Moikakasi o tla kokobetswa, baikgohomosi bona ba nyenyefatswe, mohlang oo ke Morena feela, ya tla phahamela tsohle.

Isaia 3:16

Morena o re: “Basadi ba Sione ba a ikgohomosa, ba tsamaya melala ba e thamotse, ka mahlo a bona ba ntse ba bonya, ba rwanyaketsa, ba hatela haufi, maqaqailana a bona a lla masekana.

Isaia 3:9

Fahleho tsa tsona di a di qosa, di ipoletse sebe sa tsona jwaloka Sodoma, le ho se pata di sitwa ho se pata. Di madimabe hakaakang! Koduwa ena di imemetse yona!

Jeremia 26:15

Feela le tsebe hore haeba le ka fela la mpolaya, lona, le baahi ba motse ona, le tla ba molato wa ho tsholla madi a se nang molato, hobane ruri Morena o nthomme ho lona, hore ke tlo bua mantswe ana wohle moo le ntseng le utlwa.”

Johanne 8:44

Le tswa ho ntata lona, Diabolosi, mme le rata ho phetha ditakatso tsa ntata lona. Yena e bile mmolai ho tloha tshimolohong, mme ha a a ka a ema nneteng, hobane ha ho nnete ka ho yena. Ha a bua leshano, o bua tseo e leng tsa hae, kahobane o leshano, ke raleshano.

Deuteronoma 19:10

Ho se be madi a se nang molato a tla tshollwa naheng eo Morena Modimo wa lona, a le neang yona hore e be lefa la lona; esere la jara molato wa ho tsholla madi.

Deuteronoma 27:25

“ ‘Ho rohakehe ya amohelang tjotjo, hore a bolaye motho, a tsholle madi a se nang molato!’ “Setjhaba sohle se re: ‘A ho be jwalo!’

1 Petrose 5:5

Ka mokgwa o jwalo, lona ba batjha, ikokobeletseng ba baholo. Lona bohle, ebang le maikutlo a boikokobetso, le ikokobetse e mong ho e mong, hobane: “Modimo o lwantsha ba ikgohomosang, athe baikobobetsi o a ba hauhela.”

Tshenolo 22:15

Kantle ho tla sala dintja, le baloi le dihlola, le babolai, le ba kgumamelang medimo ya bohata, le bohle ba ratang leshano, ba etsang tseo e seng tsa nnete.