Diproverbia 5:21 - BIBELE

²¹ Tsela tsohle tsa motho Morena o a di bona, metsamao yohle ya hae le yona o a e lekola.

Sesotho 1909/1961 (SO)

²¹ Hobane metsamao ya motho e pontsheng ho Jehova; ke yena ya lekolang mehlala ya hae yohle.

Diproverbia 5:21 ပူးပေါင်းရင်းမြစ်များ

2 Dikronike 16:9

Morena o bona tsohle tse lefatsheng, ho matlafatsa le ho thusa ba mo tshepang ka dipelo tsohle tsa bona. Empa mona teng o sebeditse ka bothoto; ka baka leo, ho tloha jwale o tla lweba kahara ntwa.”

Jobo 14:16

Empa jwale mehato ya ka o a e bala, sebe sa ka ha o kgaotse ho se natsa;

Jobo 24:23

O a ba sireletsa, ba be ba rue letshepa, athe metsamao ya bona yona o e disitse.

Jobo 31:4

Modimo tsela tsa ka o a di bona, le mehato ya ka yohle o a e bala.

Jobo 34:21

“Mahlo a hae a disitse metsamao ya batho, mehato yohle ya batho le yona o a e bona.

Dipesaleme 11:4

Morena o ka tempeleng ya hae e halalelang, terone ya Morena e mahodimong. Mahlo a hae a bona bana ba batho, o a ba tadimisisa, o a ba hlahloba.

Dipesaleme 119:168

Ke boloka ditaelo tsa hao, le ditemoso tsa hao ke a di boloka, hobane o bona metsamao ya ka yohle.

Dipesaleme 17:3

O hlahlobile pelo ya ka, wa ntlhwela le bosiu, wa nnonya, empa ha wa fumana letho le kgopo; ha ke a bua tse mpe jwaloka ba bang.

Diproverbia 15:3

Mahlo a Modimo a bona kahohle, a disa ba kgopo le ba lokileng.

Diproverbia 4:26

Qamaka ka hloko moo o hatang teng, tsela tsohle tsa hao di tle di tsitse.

Diproverbia 5:6

tsela ya bophelo ha a re letho ka yona, metsamao ya hae e kgopametse moo a sa tsebeng.

Jeremia 16:17

Mahlo a ka a tadimile metsamao yohle ya bona; ha e a pateha ho nna, esita le dibe tsa bona ha di a pateha mahlong a ka.

Jeremia 17:10

“Ke nna Morena ya lekolang dipelo, mohopolo le wona o lekolwa ke nna. Ke putsa motho ho ya ka diketso tsa hae, ho latela tholwana tsa mesebetsi ya hae.”

Jeremia 23:24

Na motho a ka ipata dikgotjheletsaneng, a ipata teng, yaba ha ke mmone?” ho rialo Morena. “Na ha ke fumanwe lehodimong le lefatsheng?” ho rialo Morena.

Jeremia 29:23

hobane ba ne ba entse manyala naheng ya Iseraele. Ba etsa bohlola le basadi ba ba ahelaneng le bona, ba bua leshano ka lebitso la ka, empa ke sa ba laela ho bua jwalo. Le nna ke a tseba, mme ke paki,’ ho rialo Morena.”

Jeremia 32:19

Merero ya hao e meholo, diketso tsa hao di matla. Mahlo a hao a bona diketso tsohle tsa batho, mme o putsa e mong le e mong ho ya ka diketso tsa hae, le ho ya ka ditholwana tsa mesebetsi ya hae.

Hosea 7:2

Kelellong tsa bona ha ba hlokomele hore ke hopola bokgopo ba bona. Kahohle dibe tsa bona di ba dikile, mme di pontsheng ya ka kamehla.”

BaHebheru 4:13

Ha ho sebopuwa se ka patehang pela hae; tsohle di pepeneneng, di bonahala mahlong a hae, yena eo re tla ikarabella ho yena.

Tshenolo 2:18

“Ngolla moruti wa kereke e Thiatira, o re: “Tsena di bolelwa ke Mora wa Modimo, eo mahlo a hae a kang malakabe a mollo, le maoto a hae a benyang jwaloka lethose,

Tshenolo 2:23

Ke tla bolaya bana ba hae; dikereke tsohle di tla tseba hore ke nna ya bonang se ka mehopolong le ka dipelong tsa batho, mme ke putsa e mong le e mong wa lona ho ya ka mesebetsi ya hae.