Diproverbia 31:30 - BIBELE

³⁰ Leredi ke thetsane, botle ke lefeelafeelane; mosadi ya tshabang Modimo ke yena ya tla roriswa.

Sesotho 1909/1961 (SO)

³⁰ Kgahleho e a thetsa; botle ke bosawana! Mosadi ya tshabang Jehova ke yena ya tla roriswa.

Diproverbia 31:30 ပူးပေါင်းရင်းမြစ်များ

2 Samuele 14:25

Naheng yohle ya Iseraele ho ne ho se monna e motle, ya babatsehang jwaloka Abosalome. O ne a hloka sepha ho tloha bohatong ba leoto ho ya fihla hloohong.

Dipesaleme 112:1

Haleluja! Ho lehlohonolo ya tshabang Morena, ya thabelang melao ya hae haholo.

Dipesaleme 147:11

o kgahlwa ke ba mo tshabang, le ba tshepileng mohau wa hae.

Diproverbia 1:7

Ho tshaba Modimo ke qaleho ya tsebo, empa dithoto di nyedisa bohlale, di nyedisa le tayo.

Diproverbia 11:16

Mosadi ya mosa o kgaba ka hlompho, banna ba dikgoka ba ikgapela maruo.

Diproverbia 11:22

Mosadi ya hlokang boitshwaro leha a le motle, o jwaloka sale la kgauta nkong ya kolobe.

Diproverbia 22:4

Boikokobetso le ho tshaba Morena di tlisa leruo le tlotla le bophelo.

Diproverbia 31:29

“Basadi ba bangata ke basadi ba kgabane, empa wena kaofela o a ba feta!”

Diproverbia 31:31

Mo nee moputso wa matsoho a hae, mosebetsi wa hae o mo rorise kgorong tsa motse.

Diproverbia 6:25

Pelo ya hao e se lakatse botle ba sona, mahlo a sona a se ka o hohela,

Diproverbia 8:13

Ho tshaba Morena ke ho hloya bobe, ke hloile boikgohomoso, ke hloile le boikakaso, boitshwaro bo bobe le leshano le tsona ke di hloile.

Moeklesia 12:13

Tsohle jwale di utlwahetse, mme qetello ya taba ke ena: Tshaba Modimo, o boloke melao ya hae, hoba hona ke tshwanelo yohle ya motho.

Moeklesia 7:18

Molemo ke ho itshwarella ka polelo ya pele, le ya bobedi o se ka e nyahlatsa; ya tshabang Modimo o phema tsietsi tsena bobedi!

Ezekiele 16:15

“ ‘Empa o ile wa tshepa botle ba hao, botumo ba hao ba o fetola seotswa, wa etsa bohlola le bohle ba fetang ka tsela, wa ba wa bona.

Luka 1:6

Bobedi ba bona ba ne ba lokile pela Modimo, ba tsamaya melaong le ditaelong tsohle tsa Morena, ho se moo ba ka nyatsuwang teng.

Baroma 2:29

empa Mojuda wa nnete ke eo e leng yena ka pelong, le lebollo la nnete ke la pelo. Lona ke mosebetsi wa Moya o Halalelang, e seng taba ya buka ya Molao feela. Thoriso ya hae e tswa ho Modimo, e seng ho batho.

1 Bakorinthe 4:5

Ka baka leo, le se ke la ahlola e eso be nako, Morena a eso kgutle, e leng yena ya tla senola tse lefifing, a pepese merero ya dipelo tsa batho. Ke moo e mong le e mong a tla fumana thoriso e mo lokelang ho Modimo.

Jakobo 1:11

Ha letsatsi le tjhaba ka lebatama la lona, bo a omella, palesa ya bona e wela fatshe, mme botle ba bona bo a fela. Le yena morui o tla fela jwalo, a ntse a le hara merero ya hae.

1 Petrose 1:24

hobane: “Batho bohle ba jwaloka jwang, le tlotla yohle ya bona e jwaloka palesa ya jwang. Jwang bo a pona, palesa ya bona e foforehe,

1 Petrose 1:7

Kahoo tumelo ya lona e tla bonahala e le ya sebele, ya bohlokwahadi ho feta kgauta e senyehang, leha le yona e lekwa ka mollo. Tumelo eo e tla le fumantsha thoriso, tlotla le hlompho, mohla Jesu Kreste a bonahatswang,