Diproverbia 3:24 - BIBELE

²⁴ Ha o robala o ke ke wa tshaba letho, ha o robala o tla kgaleha thuwe!

Sesotho 1909/1961 (SO)

²⁴ Leha o ya robala, o ke ke wa tshoha; ha o se o kgalehile, boroko ba hao bo tla ba monate.

Diproverbia 3:24 ပူးပေါင်းရင်းမြစ်များ

2 Dikronike 20:30

Mmuso wa Jehoshafate wa eba le kgotso, hobane Modimo wa hae a ne a mo neile boiketlo kahohle.

Jobo 11:19

O tla ithoballa ho se ya ka o tshosang, ba bangata ba qekise setswalle sa hao.

Dipesaleme 112:8

pelo ya hae e tiile, ha a tshabe letho, o tella ba mo lwantshang.

Dipesaleme 127:2

Ke lefeela ha le tsoha kameso, kapa le dieha ho robala, le itjella bohobe boo le bo fumanang ka thata, athe yena o fa baratuwa ba hae ba ntse ba ithobaletse.

Dipesaleme 3:5

Ha ke ipiletsa ho Morena, o nkaraba a le thabeng ya hae e halalelang.

Dipesaleme 3:6

Ke ye ke ithoballe, ke kgalehe, ke be ke itsohele, hobane Morena o na le nna.

Dipesaleme 4:8

O thabisitse pelo ya ka ho feta mohla batho ba atetsweng ke koro le veine.

Dipesaleme 91:5

O ke ke wa tshaba ditshosa tsa bosiu, kapa metsu e bebang motsheare,

Diproverbia 1:33

Ya mmamelang o tla phela a sireletsehile, a phele ka boiketlo a sa tshabe bobe.”

Diproverbia 19:23

Ho tshaba Morena ho a phedisa, ya nang le tshabo eo o tla phela ka boiketlo, bobe bo ke ke ba mo wela hodimo.

Diproverbia 6:22

Ha o tsamaya di tla o etella pele, ha o robala ebe di a o lebela, ha o tsoha ebe di bua le wena.

Moeklesia 5:12

Mosebeletsi o robala boroko, ebang o a lapa kapa o a kgora, empa morui ya hafang ka nkatana ha a bo hlothe ke maruo a hae!

Isaia 54:14

Ha o etsa tse lokileng o tla matlafala, bompodi bona bo ke ke ba eba teng ho wena, ha o ka ke wa tshaba letho, esita le ditshoso di ke ke tsa o atamela.

Jeremia 31:26

Yaba jwale ke a phaphama, ke a hlaphohelwa, ka fumana hore ke ne ke robetse hamonate.

Ezekiele 34:15

Nna ka sebele ke tla fepa mohlape wa ka, ke o bothise, ho rialo Morena Modimo.

Ezekiele 34:25

Ke tla etsa selekane sa kgotso le dinku tsa ka, ke fedise dibatana kahara naha, dinku tsa ka di iphelele ka kgotso lehwatateng, di ipothele merung.

Ezekiele 34:27

Difate tsa naha di tla beha ditholwana, le masimo a medise dijalo. Setjhaba sa ka se tla itulela ka kgotso kahara naha; kahoo se tla tseba hore ke nna Morena, mohla ke robang joko e melaleng ya sona, ke se namolela matsohong a ba se entseng makgoba.

Levitike 26:6

“ ‘Ke tla le nea kgotso lefatsheng, mme le tla ithoballa, ho se letho le le tshwenyang. Dibatana tse harolang ke tla di fedisa lefatsheng, le ba lwanang ka sabole ba ke ke ba hlasela naha ya lona.

Diketso 12:6

Bosiung boo Heroda a neng a tla tsoha a mo hlahisa ho setjhaba ka bona, Petrose o ne a robetse pakeng tsa bahlabani ba babedi, a tlamilwe ka mahlaahlela a mabedi, mme balebedi ba lebetse monyako wa tjhankana.