Diproverbia 3:1 - BIBELE

¹ Mora wa ka, se lebale thuto ya ka, pelong ya hao melao ya ka o e boloke,

Sesotho 1909/1961 (SO)

¹ Mora wa ka, o se ke wa lebala thuto tsa ka, pelo ya hao e ke e boloke dikeletso tsa me;

Diproverbia 3:1 ပူးပေါင်းရင်းမြစ်များ

Dipesaleme 119:11

Ke bolokile tshepiso ya hao, ka e boloka ka pelong ya ka, hore ke se ke ka o sitelwa.

Dipesaleme 119:153

Ako tadime ho hlopheha ha ka, o nnamolele, hobane ha ke a lebala Molao wa hao.

Dipesaleme 119:16

Ke thabela ho phetha thato ya hao, nke ke ka lebala lentswe la hao.

Dipesaleme 119:176

Ke lelera jwaloka nku e lahlehileng; ako batle mohlanka wa hao, hobane ha ke lebale melao ya hao.

Dipesaleme 119:34

Nnee kutlwisiso ke tle ke hlomphe Molao wa hao, ke o boloke ka pelo ya ka yohle.

Dipesaleme 119:61

Le hoja maraba a ntshwasitse, maraba a ba kgopo a ntshwasitse, ha ke a lebala Molao wa hao.

Dipesaleme 119:93

Nke ke ka lebala ditaelo tsa hao le ka mohla, hobane ke ka tsona o nneang bophelo.

Dipesaleme 91:16

Ke tla mo sitsa ka ditshiu tse telele, ke mmontshe ho pholosa ha ka.”

Eksoda 20:6

Empa ba nthatang, ba bolokang melao ya ka, ke ba hauhela ho isa melokong e sekete.

Diproverbia 1:8

Mora ka, mamela tayo ya ntatao, o se furalle thuto ya mmao.

Diproverbia 16:31

Moriri o moputswa ke mofapahlooho o kgabane, o fumanwa ke ya phelang ka ho loka.

Diproverbia 2:1

Mora wa ka, ha o ka mamela polelo tsa ka, wa boloka ditaelo tsa ka;

Diproverbia 23:26

Mora ka, ako nnee pelo ya hao, mahlo a hao a kgahlwe, a kgahlwe ke metsamao ya ka,

Diproverbia 31:5

esere ha di nwele, molao tsa o lebala, bafumanehi ba ahlolelwa ka leeme.

Diproverbia 4:2

Ke le nea thuto ya sebele, se e furalleng ke hona.

Diproverbia 4:21

Polelo tsa ka o se di lebale, o di boloke ka pelong ya hao;

Diproverbia 4:5

Iphumanele bohlale, iphumanele kutlwisiso, se lebale polelo tsa ka, o se di kgelohe;

Diproverbia 8:1

Na ebe bohlale ha bo howe? Kutlwisiso yona ha e phahamise ntswe la yona?

Diproverbia 9:1

Bohlale bo hahile ntlo ya bona, ba hloma ditshiya tsa yona, ba di hloma di supile;

Isaia 51:17

Tsoha! Tsoha! Ema wena Jerusalema, wena ya nweleng senwelo sa kgalefo, sa kgalefo ya Morena se le atleng sa hae, wena ya minyeletsang maritsa, maritsa a jwala bo tsekedisang batho.

Jeremia 31:33

“Selekane seo ke tla se etsa le ba ntlo ya Iseraele, hoba matsatsi ao a fete, ke sena,” ho rialo Morena. “Ke tla kenya molao wa ka maikutlong a bona, ke o ngole kahara dipelo tsa bona; ke be Modimo wa bona, bona e be setjhaba sa ka.

Hosea 4:6

Tjhaba sa ka se timetswa ke ho hloka tsebo. “Kahobane tsebo o se o e lahlile, le nna ke tla o lahla jwalo, o ke ke wa ba moprista wa ka; kaha o lebetse molao wa Modimo wa hao, le nna bana ba hao ke tla ba lebala.

Deuteronoma 4:23

Itlhokomeleng, esere la lebala selekane sa Morena Modimo wa lona, seo a se entseng le lona, yaba le iketsetsa setshwantsho se betlilweng, se nang le sebopeho sa ntho efe kapa efe, eo Morena Modimo wa lona, a le hanetseng yona.

Deuteronoma 4:9

“Feela le itlhokomele, le be hlokolosi, esere la lebala dintho tseo le di bonang ka mahlo a lona, kapa tsa hlakoha dipelong tsa lona ka matsatsi wohle a bophelo ba lona. Empa lona le di tsebise bana ba lona, le ditloholo tsa lona.

Deuteronoma 5:16

“ ‘Hlompha ntatao le mmao, jwalokaha Morena Modimo wa hao, a o laetse, e le hore o tle o phele halelele, o atlehe, naheng eo Morena Modimo wa hao, a o neang yona.

Deuteronoma 5:33

Le tsamaye ka tsela eo Morena Modimo wa lona, a le laetseng hore le tsamaye ka yona, e le hore le tle le phele, le atlehe, mme le phele halelele naheng eo e tla ba ya lona.”

Deuteronoma 8:1

“Melao yohle eo ke le laelang yona kajeno, le hlokomele hore le e phethe, le tle le phele, le ngatafale, le kene naheng eo Morena a e hlapanyeditseng bo-ntata lona, mme e be ya lona.