Diproverbia 29:20 - BIBELE

²⁰ Motho eo ereng ha a bua a phasolohe, o ka tshepa sethoto ho ena le yena.

Sesotho 1909/1961 (SO)

²⁰ O lemohile lehehle na? Lehlanya le ka tshepisa ho fetisa lona.

Diproverbia 29:20 ပူးပေါင်းရင်းမြစ်များ

Diproverbia 14:29

Ya diehang ho halefa o na le kutlwisiso, athe sefelapelwana se bontsha bothoto.

Diproverbia 19:2

Ho tjheseha motho a hloka tsebo ha ho na thuso, ho ba mahlahahlaha ho lahlisa motho tsela.

Diproverbia 21:5

Merero ya ya mafolofolo e mo tlisetsa nala, lepotlapotla lona le ikisa bofumeng.

Diproverbia 26:12

Motho ya ithetsang ka ho re o bohlale, o ka tshepa sethoto ho ena le yena.

Diproverbia 29:11

Sethoto se hlatsa kgalefo ya sona, empa ya bohlale yena o a e bipa.

Diproverbia 29:19

Lekgoba le ke ke la kgalengwa ka ho buiswa feela, le hoja le utlwisisa, le ke ke la phetha taelo.

Diproverbia 29:21

Ya bokotsang kgoba la hae ha a le hodisa, le tla qetella le mo hlokela teboho.

Moeklesia 5:2

Se potlakele ho ahlamisa molomo, pelo ya hao e se ke ya ba lehala ho bua ho hong kapela Modimo. Modimo o lehodimong, wena o lefatsheng, kahoo polelo tsa hao di se be kae.

Jakobo 1:19

Bana beso ba ratehang, tsebang hona: Motho ka mong eka kgona a utlwe kapele, empa a se ke a potlakela ho bua le ho halefa,