Diproverbia 28:25 - BIBELE

²⁵ Motho ya ikgohomosang o fehla moferefere; ya itshepelang Morena o tla fumana katleho.

Sesotho 1909/1961 (SO)

²⁵ Moya o ikgohomosang o butswela dikgang; empa ya tshepang Jehova o tla kgora.

Diproverbia 28:25 ပူးပေါင်းရင်းမြစ်များ

Dipesaleme 84:12

Morena Modimo ke qhobosheane, ke thebe ya rona, o fana ka mohau le tlotla; ha ho letho le molemo leo Morena a ka le timang ba metsamao e hlwekileng.

Diproverbia 10:12

Lehloyo le fehla moferefere, athe lerato lona le iphapanyetsa diphoso tsohle.

Diproverbia 10:3

Ba lokileng Morena ha a ba bolaise tlala, takatso tsa ya kgopo o a di nyopisa.

Diproverbia 11:25

Ya fanang haholo o tla fumana katleho, ya fanang ka metsi le yena o tla a fuwa.

Diproverbia 13:10

Dikgang di hlahiswa ke boikakaso, bohlale bo fumanwa ho ba mamelang dikeletso.

Diproverbia 13:4

Sekgoba se a lakatsa, empa ha se fumane letho, sekgothadi se a atleha, se kgotsofatswa ke tsohle.

Diproverbia 15:18

Motho ya bohale o baka diqabang, ya nang le mamello yena o a di fedisa.

Diproverbia 15:27

Ya meharo o tlisetsa lapa la hae tsietsi, ya hloileng tjotjo yena o tla phela.

Diproverbia 15:30

Ho tadima motho hantle ho thabisa pelo ya hae, taba tse molemo di mo tsosa molota.

Diproverbia 21:24

Moikgohomosi ya mabefi o bitswa “mosomi”, boikakaso ba hae ha bo na tekanyo.

Diproverbia 22:10

Leleka mosomi mme qabang di tla fela, diphapang le mahlapa le tsona di kgaotse.

Diproverbia 29:22

Motho ya bohale o baka diqabang, ya hlonameng yena o tletse bokgopo.

Diproverbia 29:25

Ho tshaba batho ke ho itjhehela leraba, empa ya tshepang Morena o tla bolokeha.

Isaia 58:11

Morena o tla o tataisa kamehla, a o fe tseo o di hlokang leha naha e omeletse, a matlafatse ditho tsa mmele wa hao. O tla tshwana le serapa se nwesetswang hantle, o ke sediba seo mohlodi wa sona o sa psheng.

1 Timothea 6:6

E, borapedi ke leruo le leholo ho ya kgotsofaletseng seo a nang le sona.