Diproverbia 26:24 - BIBELE

²⁴ Moikaketsi o ikgakanya ka polelo tsa hae, empa pelong ya hae o emere thetso.

Sesotho 1909/1961 (SO)

²⁴ Ya hloyang o ikgakanya ka melomo ya hae, mme ka pelong o rera thetso;

Diproverbia 26:24 ပူးပေါင်းရင်းမြစ်များ

Genese 34:13

Bara ba Jakobo ba arabela Shekeme le ntatae Hamore ka mano, hobane o ne a ile a silafatsa kgaitsedi ya bona, Dina.

2 Samuele 13:26

Yaba Abosalome o re: “Haeba o sa ye, ke a kopa: Ere moreso, Amanone, a ye le rona.” Kgosi ya re ho yena: “A ye le wena hobaneng?”

2 Samuele 13:27

Abosalome a nna a pheella Davida ho fihlela a dumella Amanone le bara bohle ba kgosi hore ba ye.

2 Samuele 20:9

Joabe a re ho Amasa: “O ntse o phela, ngwaneso?” Joabe a mo tshwara ka ditedu, ka letsoho le letona, hore a mo ake.

Nehemia 6:2

Bo-Sanebalate le Gashemu ba nthomella molaetsa o reng: “Tloo, re tlo kopana le wena motsaneng o mong wa e phuleng ya Ono.” Empa ba ne ba rerile ho ntlhahisa kotsi.

Dipesaleme 12:3

Batho ba bolellana mashano, maleme a bona a monate, empa ke bo-temepedi.

Dipesaleme 28:3

Se nkahlole le ba kgopo, ba etsang tse sa lokang, ba buisanang le batho ka kgotso, empa pelo tsa bona di tletse bobe.

Dipesaleme 41:6

Dira tsa ka di tla mpua hampe, di re: “O tla shwa neng, lebitso la hae le tswe le fela?”

Diproverbia 10:18

Ya patang lehloyo ke mothetsi, ya sebang ba bang, yena ke sethoto.

Diproverbia 11:1

Morena o hloile sekala se qhekanyetsang, empa boima bo nepahetseng bona bo a mo thabisa.

Diproverbia 12:17

Paki ya sebele e bua nnete eo e e tsebang, empa ya bohata yona e bua leshano.

Diproverbia 12:20

Pelong tsa ba rerang bobe ho tletse thetso, empa tsa ba rerang kgotso tsona di tletse thabo.

Diproverbia 12:5

Merero ya ya lokileng e nepahetse, keletso tsa ya kgopo di tletse thetso.

Diproverbia 14:8

Ya bohlale o tseba ho kgetha tsela ya hae, sethoto se ithetsa ka bothoto ba sona.

Diproverbia 23:7

hobane kamehla o nahana theko ya tsona. O re ho wena: “Eja, o nwe,” feela pelo ya hae yona ha e rialo.

Jeremia 9:4

“Motho ka mong a hlokomele motswalle wa hae, ngwaneno le yena o se ke wa mo tshepa, hoba ngwanabo motho ka mong ke mokgohlisi, motswalle ka mong ke moetseletsi.

1 Samuele 18:17

Saule a re ho Davida: “Merabe, moradi wa ka wa matsibolo, ke enwa, ke o nea yena hore e be mosadi wa hao. Feela wena o be mohlabani wa ka ya sebete, o lwane dintwa tsa Morena.” Ka pelong ya hae Saule o ne a re: “A se ke a bolawa ke nna, a mpe a bolawe ke Bafilesita.”