Diproverbia 23:32 - BIBELE

³² E qetella ka ho loma jwaloka noha, mahloko a tjhatjhametse jwaloka a marabe.

Sesotho 1909/1961 (SO)

³² Ho felleng, e loma jwaloka noha, e hlaba jwaloka marabe.

Diproverbia 23:32 ပူးပေါင်းရင်းမြစ်များ

Jobo 20:16

O tla mokonyetsa bohloko ba bo-marabe, dikwetsepe tsa qowane tsona di mmolaye.

Dipesaleme 91:13

O tla hata tau le marabe, o hatakele tawana le noha.

Eksoda 7:12

Tsa akgela melamu ya tsona fatshe ka bomong, mme ya fetoha dinoha, empa molamu wa Arone wa metsa melamu ya dingaka.

Diproverbia 20:1

Veine ke moikakasi, jwala bo baka lerata, ya kgeloswang ke tsona o hloka bohlale.

Diproverbia 5:11

Qetello ya bophelo ba hao e tla ba mefehelo, ha mmele wa hao o motetse, o so le masatswane.

Moeklesia 10:8

Ya tjhekang lemena a ka nna wela ho lona, ya heletsang lerako a ka nna longwa ke noha.

Isaia 11:8

Lesea le tla ipapalla pela mokoti wa masumo, ngwana a kenye letsoho mokoting wa qowane.

Isaia 28:3

Mofapahlooho wa botlotlehi wa matahwa a Efraime, o tla hatakelwa ka maoto.

Isaia 59:5

Ba qhotsisa mahe a marabe, ba lohe dikgwele tse kang tsa bolepo ba sekgo; ya jang mahe a marabe o a shwa, ha le leng le pshatlwa, ho tswa marabe.

Jeremia 5:31

Baporofeta ba porofeta leshano, baprista ba kgema le baporofeta, tjhaba sa ka se rata ha taba di eme jwalo. Le tla etsang ha tsee di fihla qetellong?”

Jeremia 8:17

“Ke tla romela dinoha hara lona, ke romele diqowane tseo le ke keng la di upa, mme di tla le loma,” ho rialo Morena.

Amose 5:19

Ho tla ba jwalokaha motho a baleha tau, ere a e baleha a kgahlane le bere; kapa jwalokaha a kena ka tlung, ere a phopholetsa leboteng a longwe ke noha.

Amose 9:3

Leha ba ka ipata tlhorong ya Karamele, ke tla ba tsoma, ke ba tshware hona moo. Leha ba ka ipatela nna ka mpeng ya lewatle, ke tla laela kganyapa e ba lomele hona moo.

Baroma 6:21

Jwale ke dife tseo le ileng la di kotula nakong eo, ka ho etsa tseo, tse le hlabisang dihlong kajeno? Qetello ya tsona ke lefu.

Baefese 5:18

Se tahweng ke jwala bo le isang boitahlong, le mpe le tlale Moya o Halalelang.