Diproverbia 22:9 - BIBELE

⁹ Motho ya fanang a thabile o tla hlohonolofatswa, hobane yena o fepa mafutsana.

Sesotho 1909/1961 (SO)

⁹ Motho ya fanang o tla hlohonolofatswa, kahobane o sitsa mofutsana ka bohobe ba hae.

Diproverbia 22:9 ပူးပေါင်းရင်းမြစ်များ

Dipesaleme 112:9

O fana ka matsoho a mabedi, o fana ho mafutsana, ho loka ha hae ho hlola kamehla yohle, o tsoha molota, o a tlotleha.

Diproverbia 11:17

Monna ya mohau o iketsetsa tse molemo, athe ya sehloho yena o a itshitelwa.

Diproverbia 11:25

Ya fanang haholo o tla fumana katleho, ya fanang ka metsi le yena o tla a fuwa.

Diproverbia 11:27

Ya pheellang tse molemo o tla hauhelwa, ya pheellang bobe bo tla mo wela hodimo.

Diproverbia 14:21

Ya nyedisang ya ahisaneng le yena o etsa sebe, empa ho lehlohonolo ya hauhelang mofutsana.

Diproverbia 19:17

Ya hauhelang bafumanehi o adima Morena, seo a faneng ka sona Morena o tla mmuseletsa sona.

Diproverbia 21:13

Ya ithibang ditsebe ha mofutsana a lla, le yena o tla lla, empa a ke ke a mamelwa.

Diproverbia 28:24

Ya utswetsang ntatae kapa mmae, a ntsa ithetsa ka ho re: “Hona hase sebe,” ya jwalo yena ke motswalle wa disenyi hantle.

Diproverbia 28:27

Ya fanang ho mafutsana ha ho seo a ka se hlokang; ya sa a natseng ka letho o tla rohakwa ke ba bangata.

Diproverbia 31:20

Bafumanehi o ba fepa a sa kganane, bahloki le bona a ba atswe ka tsoho le batsi.

Isaia 32:8

Empa ya kgabane o rera merero e kgabane, bokgabeneng ba hae a ke ke a sisinngwa.

Mattheu 20:15

Na ha ke na tokelo ya ho etsa seo ke se ratang ka seng sa ka? Kapa o mona ha ke fana?’

Mareka 7:22

le bofebe, meharo, bokgopo, thetso, mekgwa e hlabisang dihlong, mona, ketseletso, boikgantsho, le bothoto.

Luka 14:13

Empa ha o etsa mokete, mema mafutsana, le dihole, le diritsa, le difofu,

Diketso 20:35

Ke le bontshitse dinthong tsohle hore, ka ho sebetsa jwalo ka thata eka kgona le thuse mafutsana le ho hopola mantswe a Morena Jesu, kamoo yena a neng a re: ‘Ho fana ke lehlohonolo le fetang ho fuwa!’ ”

Deuteronoma 28:56

Mosadi ya bonojwana, ya bokotswang haeno, ya neng a ke ke a leka le ho hata fatshe ka baka la bonolo ba hae, le ho bokotswa, o tla sheba monna wa hae, eo a mo ratang haholo, le mora wa hae, le moradi wa hae, ka leihlo le lebe.

BaHebheru 13:16

Se lebaleng ho ba mosa le ho thusana, hobane ana ke wona mahlabelo a kgahlisang Modimo.

BaHebheru 6:10

Modimo ha a hloke toka hoo a ka lebalang mosebetsi wa lona, le lerato leo le le bontshitseng ho yena ka ho sebeletsa badumedi, bao le sa ntseng le ba sebeletsa le jwale.

1 Petrose 4:9

E mong le e mong a amohele baeti a sa kganane.