Diproverbia 22:22 - BIBELE

²² O se tlatlape mofutsana hobane e le mofutsana, o se sotle bahloki ka kgotla,

Sesotho 1909/1961 (SO)

²² O se ke wa ja mofutsana ka hoba e le mofutsana, o se ke wa pitla mohlomohi kgotla;

Diproverbia 22:22 ပူးပေါင်းရင်းမြစ်များ

Jobo 31:16

“Haeba nkile ka hanyetsa kopo ya mofutsana, eba mohlolohadi o lebeletse, mahlo a ba kgathala;

Jobo 31:21

haeba nkile ka otla kgutsana ka tsoho la ka, hobane ke tseba hore ka kgotla nke ke ka tsuwa,

Eksoda 23:3

O se ke wa ba leeme nyeweng ya mofutsana.

Eksoda 23:6

“O se ke wa sotha kahlolo nyeweng ya mofutsana wa heno.

Diproverbia 21:7

Dikgoka tsa ba kgopo di tla ba timetsa, hoba ba hana ho etsa ho lokileng.

Diproverbia 22:16

Ya tlatlapang mofutsana ho ikekeletsa leruo, a bile a etsetsa barui dimpho, o tla futsaneha.

Isaia 10:2

hore ba amohe mafutsana tokelo tsa wona, ba hateletsweng ba ba hlokise toka, ba ikgapele ntho tsa bahlolohadi, ba tlatlape le tsona dikgutsana.

Ezekiele 22:29

Baahi ba naha ena ba hatella batho, ba a utswa, ba sotla mofutsana le mohloki, ba hlokofatsa moditjhaba, ha ba ba sebeletse ka toka.

Levitike 19:13

“ ‘O se ke wa hatella mohaeno, kapa wa mo hanyapetsa. “ ‘O se ke wa dula ka moputso wa letsatsi wa mosebeletsi wa hao, ho fihlela letsatsi le hlahlamang.

Levitike 25:17

Le se ke la qhekanyetsana, le mpe le tshabe Modimo wa lona, hobane ke nna Morena Modimo wa lona.

Sakaria 7:10

Le se ke la hatella mohlolohadi, leha e le kgutsana, moditjhaba kapa mofutsana. Motho a se ke a rerela ngwanabo bokgopo.’

Malakia 3:5

“Ke tla fihla hara lona ke le ahlole. Ha ke na ho qeaqea ho qosa dinohe, le bafebi, le ba hlapanyang ka leshano, le ba jang basebetsi moputso wa bona, le ba hatellang bahlolohadi le dikgutsana, le ba hlokelang baditjhaba toka, le bohle ba sa ntlhompheng,” ho rialo Morena wa mabotho.

Deuteronoma 23:16

O le tlohele le phele le wena ha hao, kapa le phele motseng ofe kapa ofe oo le ratang ho dula ho wona. O se ke wa le hatella.