Diproverbia 21:31 - BIBELE

³¹ Pere e kwetlisetswa tsatsi la ntwa, empa tlholo yona ke ya Morena.

Sesotho 1909/1961 (SO)

³¹ Pere e lokisetswa letsatsi la ntwa; empa poloko ke ya Jehova.

Diproverbia 21:31 ပူးပေါင်းရင်းမြစ်များ

2 Samuele 23:12

Shamma a ikema hara tshimo, a lwana ya kgumamela, a bolaya Bafilesita, mme Morena a mo tlisetsa tlholo e kgolo.

Dipesaleme 144:10

wena ya neang dikgosi tlholo, wena ya pholosang Davida, mohlanka wa hao.

Dipesaleme 147:10

Morena ha a thabele matla a dipere, ha a kgahlwe ke lebelo la motho;

Dipesaleme 20:7

Jwale ke a tseba hore Morena o nea tlholo, o e nea Motlotsuwa wa hae, o mo arabela a le sehalalelong, a le sehalalelong sa hae sa lehodimo. O mo arabela ka ketso tse pholosang, ketso tsa letsoho la hae le letona.

Dipesaleme 20:8

Ba bang ba tshepile kariki tsa ntwa, ba bang ba tshepile dipere, empa rona re tshepile lebitso la Morena, lebitso la Morena Modimo wa rona.

Dipesaleme 3:3

ba bangata ba buang ka nna, ba re: “Modimo ha a na ho mo pholosa.”

Dipesaleme 3:8

Thusa, Morena! O mpholose, Modimo wa ka, wena ya jabelang dira tsa ka tsohle marameng, ya pshatlang mehlaare ya ba kgopo.

Dipesaleme 68:20

Ho bokwe Morena ka matsatsi wohle, yena ya re pepang, yena Modimo, mopholosi wa rona.

Moeklesia 9:11

Ke bone ho hong hape mona lefatsheng: Ba lebelo hase bona ba siyang kamehla, dinatla hase tsona tse hlolang kamehla, ba bohlale hase bona ba tjhayang kamehla, ba masene hase bona ba ruang kamehla, bahlalefi ha ba dule tulo tse phahameng kamehla; menyetla e tlela bohle ka dinako tsa yona.

Isaia 31:1

Ho madimabe ba yang Egepeta ho kopa thuso, ba tshepileng dipere le boiyane ba kariki tsa ntwa, le bapalami ba dipere hobane e le dinatla, empa ba sa natse Ya Halalelang wa Iseraele, ba sa ipiletse ho Morena ho batla thuso.

Jeremia 3:23

Ho rapella hodima maralla ha ho thuse letho, lereberebe le hodima dithaba ha le thuse letho; ruri Morena, Modimo wa rona, ke yena Mopholosi wa Baiseraele.

1 Bakorinthe 15:57

Ha ho le jwalo, a re leboheng Modimo ya re neileng ho hlola ka Morena wa rona Jesu Kreste.