Diproverbia 21:24 - BIBELE

²⁴ Moikgohomosi ya mabefi o bitswa “mosomi”, boikakaso ba hae ha bo na tekanyo.

Sesotho 1909/1961 (SO)

²⁴ Mosomi ke lebitso la motho ya ikgohomosang, ya mabela, ya etsang tsohle a rwetse boikgomoso.

Diproverbia 21:24 ပူးပေါင်းရင်းမြစ်များ

Dipesaleme 1:1

Ho lehlohonolo motho ya sa lateleng dikeletso tsa ba kgopo, ya sa tsamayeng tseleng ya baetsadibe, ya sa duleng mokgatlong wa basomi;

Diproverbia 1:22

“Lona ba se nang tsebo, le tla rata ho se be le tsebo ho fihlela neng? Basomi ba thabele ho soma ho fihlela neng? Thoto di hloye tsebo ho fihlela neng?

Diproverbia 16:18

Boikakaso bo etella timelo pele, boikgohomoso bo etelle ho wa, pele.

Diproverbia 18:12

Boikakaso bo etella timelo pele, boikokobetso bona bo tla pele ho tlotla.

Diproverbia 19:29

Basomi ba emetswe ke kahlolo, mekokotlo ya dithoto yona e emetswe ke phafa.

Diproverbia 24:9

Merero ya bothoto ke sebe, mosomi o nyonywa ke batho bohle.

Diproverbia 3:34

Morena o soma baikakasi, athe baikokobetsi o a ba hauhela.

Diproverbia 6:17

Ke mahlo a ikgohomosang, leleme le tletseng thetso, matsoho a tshollang madi, madi a se nang molato;

Isaia 16:6

Re utlwile hore Moabe o a ikgantsha, ho ikgantsha ha hae ke ho tlolang moedi, o a ikakasa, o a ikgantsha, o bohale, empa boithoriso ba hae ke ba lefeela.

Isaia 29:20

Ba sehloho ba tla timela, le basomi ba fele, ba tjhatjhehelang bobe le bona ba timetswe:

Jeremia 48:29

“Boikgantsho ba Moabe re bo utlwile, boikgantsho bo boholo le mabela a yona, boikgantsho ba yona le bona boikakaso, esita le mabifi a pelo ya yona.

Habakuke 2:5

“Ruri, veine ke moeki wa motho; ya ikgohomosang a ke ke a phela. O meharo jwaloka Nqalo ya Bafu; jwaloka lefu ha a ke a kgora. O ipokellela ditjhaba tse ngatangata, merabe kaofela a e fetole bathopuwa.

Mattheu 2:16

Yare ha Heroda a lemoha hore o phomilwe ke Ba Bohlale, a halefa haholo, a laela hore ho bolawe masea wohle a bashanyana a Betlelehema le a tikolohong yohle ya teng, a dilemo di pedi le katlase, ho ya ka nako eo a e botsisisitseng ho Ba Bohlale.