Diproverbia 21:20 - BIBELE

²⁰ Lapeng la ya bohlale ho tletse menono, le maruo, athe sethoto sona se hafaka se sa qenehele.

Sesotho 1909/1961 (SO)

²⁰ Letlotlo le lakatsehang le mafura di ka tlung ya ya bohlale; empa lewatla le di metsa feela.

Diproverbia 21:20 ပူးပေါင်းရင်းမြစ်များ

Jobo 20:15

Menono o a e metsa, o bile o a e hlatsa, Modimo o a mo hlatsisa, o kgofa mohodu wa hae.

Jobo 20:18

Tsa matsoho a hae o di busetsa a so di latswe, tse tswalwang ke kgwebo le tsona ha di mo thabise.

Dipesaleme 112:3

Menono le maruo di ka tlung ya hae, ho loka ha hae ho hlola kamehla yohle.

Dipesaleme 23:5

O ntokisetsa dijo mahlong a dira tsa ka; o nkamohela ka ho ntlotsa hlooho ka ole, le ka ho tlatsa mohope wa ka haholo.

Diproverbia 10:22

Hlohonolo la Morena le entsha motho, ha ho maswabi ao le a tlisang.

Diproverbia 14:24

Meqhaka ya ba bohlale ke maruo a bona, bothoto ba dithoto bona bo tswala bothoto.

Diproverbia 15:6

Ka tlung ya ya lokileng leruo le teng, empa ya kgopo leruo le mmakela ditsietsi.

Diproverbia 22:4

Boikokobetso le ho tshaba Morena di tlisa leruo le tlotla le bophelo.

Diproverbia 8:21

Ba nthatang ke ba abela lefa, matlole a bona ke a tlatse, a be mohlohlo.

Moeklesia 10:19

Mokete o etsetswa boithabiso, veine yona e natefisa bophelo, empa ka tjhelete o ka fumana tsohle.

Moeklesia 5:19

Hape ke mpho ya Modimo ho motho ka mong eo Modimo a mo fileng leruo le matlotlo le matla hore a ithabise ka wona, mme o lokela ho amohela kabelo eo ya hae, a ithabise ka tsa mosebetsi wa matsoho a hae.

Moeklesia 7:11

Bohlale bo molemo jwaloka lefa, bo atlehisa batho ba ntseng ba phela.

Jeremia 41:8

Empa ba leshome ba bona ba re ho Ishemaele: “Se ke wa re bolaya, hobane re na le matlotlo ao re a patileng hara naha, e leng koro le harese, le ole le mahe a dinotshi.” Yaba o a ba tlohela, a se ke a ba bolaya ha a bolaya bana babo bona.

Mattheu 25:8

Dithoto tsa re ho ba bohlale: ‘Re qhatsetseng ole ya lona, kahobane mabone a rona a a tima.’

Luka 15:14

Yare hoba a hafe tsohle, ha wa tlala e kgolo lefatsheng leo, mme a qala ho hloka.

Luka 16:1

Jesu a boela a re ho barutuwa: “Ho ne ho ena le morui ya nang le mookamedi wa ntlo, mme eo a qoswa ho yena, ha thwe o hafa maruo a monga hae.

Luka 6:45

Motho ya molemo o ntsha ho molemo letlotlong le molemo la pelo ya hae, mme e mobe o ntsha ho hobe letlotlong le lebe la pelo ya hae, hobane molomo wa hae o bua se tletseng ka pelong ya hae.”