Diproverbia 21:2 - BIBELE

² Motho o bona tsela tsohle tsa hae, o di bona di nepahetse, empa Morena ke yena ya lekolang pelo.

Sesotho 1909/1961 (SO)

² Tsela tsa motho kaofela di lokile mahlong a hae, empa Jehova ke yena ya lekanyang dipelo.

Diproverbia 21:2 ပူးပေါင်းရင်းမြစ်များ

Jobo 31:6

a nke ke bewe sekaleng sa toka, Modimo a tle a tsebe ha ke na molato.

Dipesaleme 36:2

Ya kgopo o laolwa ke sebe, sebe se botebong ba pelo ya hae; ho tshaba Modimo ha ho yo ho yena.

Diproverbia 12:15

Tsela ya sethoto e bonahala e lokile ho sona, empa ya bohlale o amohela keletso.

Diproverbia 16:2

Ketso tsa motho di tadimeha di lokile ho yena, empa Morena o lekola sepheo sa hae.

Diproverbia 16:25

Tsela e teng e bonahalang e lokile ho monga yona, empa e qetella ka ho isa lefung.

Diproverbia 17:3

Silefera e hlwekiswa ka ho qhibidiswa pitseng, kgauta yona e hlwekiswa ka sebopi sa yona; athe dipelo tsona di hlahlojwa ke Morena.

Diproverbia 20:6

Motho ka mong o ithorisa ka molemo wa hae, ya tshepahalang yena a ka fumanwa ke mang?

Diproverbia 24:12

Ha o ka re: “Jo! re ne re sa tsebe!” Na ya bonang dipelo yena a ke ke a lemoha? Ya baballang bophelo ba hao yena o a tseba, motho ka mong o tla mo putsa ho ya ka mesebetsi ya hae.

Diproverbia 30:12

Moloko o teng o ithetsang ka ho re o hlwekile, empa o sa hlwekiswa ditshila tsa wona.

Jeremia 17:10

“Ke nna Morena ya lekolang dipelo, mohopolo le wona o lekolwa ke nna. Ke putsa motho ho ya ka diketso tsa hae, ho latela tholwana tsa mesebetsi ya hae.”

Daniele 5:27

TEKELE ke ho re: O beilwe sekaleng, mme o fumanwe o le bobebe.

Luka 16:15

Jesu a re ho bona: “Lona le iketsa ba lokileng mahlong a batho, empa Modimo o tseba dipelo tsa lona, hobane ho tlotlehang mahlong a batho ke manyala ho Modimo.

Bagalata 6:3

Ha motho a ikgopola hore ke letho, empa e se letho, o a ithetsa.

Jakobo 1:22

Le be baphethi ba lentswe leo, e seng bautlwi feela, ba ithetsang ka bobona.

Tshenolo 2:23

Ke tla bolaya bana ba hae; dikereke tsohle di tla tseba hore ke nna ya bonang se ka mehopolong le ka dipelong tsa batho, mme ke putsa e mong le e mong wa lona ho ya ka mesebetsi ya hae.

1 Samuele 16:7

Empa Morena a re ho Samuele: “O se ke wa tadima sebopeho sa hae, kapa bophahamo ba seemo sa hae, hobane ha ke mo amohele. Morena ha a tadime jwalokaha motho a tadima. Motho o tadima sebopeho se kantle, athe Morena yena o tadima pelo.”