Diproverbia 21:16 - BIBELE

¹⁶ Ya kgelohang tsela ya kutlwisiso pheletso ya hae ke ho phomola hara bafu.

Sesotho 1909/1961 (SO)

¹⁶ Motho ya kgelohang tsela ya hlalefo o tla fella sebokeng sa bafu.

Diproverbia 21:16 ပူးပေါင်းရင်းမြစ်များ

Dipesaleme 125:5

Empa ba kgelohetseng ditseleng, ditseleng tse matswedintsweke, Morena a ke a ba leleke, a ba leleke le ba kgopo. Kgotso e ke e be teng Iseraele.

Dipesaleme 49:14

Ena ke yona tsela ya ba itshepileng, ke pheletso ya ba kgotsofetseng, ba kgotsofaletseng matlotlo a bona.

Diproverbia 11:19

Motho ya lokileng o tla rua bophelo, ya pheeletseng bobe yena o tla timela.

Diproverbia 13:20

Ya tsamayang le bahlalefi o a hlalefa, molekane wa dithoto yena o a thotofala.

Diproverbia 19:16

Ya bolokang ditaelo o baballa bophelo ba hae, ya sa hlokomeleng metsamao ya hae o tla shwa.

Diproverbia 2:13

ba lahlang tsela tse lokileng, ba tsamayang tseleng tse lefifi.

Diproverbia 5:23

O tla bolawa ke ho hloka kgalemo, tsela a e kgeloswe ke bothotohadi ba hae.

Diproverbia 9:18

Ya se nang tsebo ha a tsebe hore lefu le laletse moo, baeti ba mosadi eo ba feletse lebitleng.

Ezekiele 18:24

“Empa ha motho ya lokileng a furalla ho loka ha hae, mme a etsa bokgopo, a etsa dintho tse manyala, tse etsweng ke motho ya kgopo, na motho eo o tla phela? Dintho tsohle tse lokileng tseo a di entseng ha di sa tla bolelwa. O tla shwa ka baka la ditshito tsa hae, tseo a sitilweng ka tsona, le ka baka la dibe tsa hae, tseo a di entseng.

Sofonia 1:6

Batho bana ke ba furaletseng Morena, ba mo furalla, ba se ke ba mmatla, leha e le hona ho ipiletsa ho yena.

Baefese 2:1

Le ne le shwele ka baka la ditshito le dibe tsa lona,

BaHebheru 10:38

Ya lokileng o tla phela ka tumelo, empa ha a ka ikgula, ha a sa tla nkgahlisa.”

1 Johanne 2:19

Ke ba intshitseng ho rona, feela e ne e hlile e se ba rona, hobane hoja e ne e le ba rona, ba ka be ba ntse ba le ho rona. Jwale ba intshitse hore ho tle ho bonahatswe hore hase ba rona kaofela ha bona.

Yuda 1:12

Ke bona ba silafatsang mekete ya lona ya Bakreste ka ho ja ba se na dihlong, ba hopotse dimpa tsa bona feela. Ke maru a se nang pula, a fefolwang ke moya. Ke difate tse sa beheng, esita le ka nako ya hwetla, tse shweletseng ruri, tse fothotsweng.