Diproverbia 20:3 - BIBELE

³ Ke tlotla ho kgaohana le diqabang, sethoto sona ke maratahelele!

Sesotho 1909/1961 (SO)

³ Ke thoriso ho motho ho intsha tsekong; empa lehlanya le phehella ho yona.

Diproverbia 20:3 ပူးပေါင်းရင်းမြစ်များ

Genese 13:7

Diqabang tsa hlaha pakeng tsa badisana ba Aborame le ba Lota. Nakong eo Bakanana le Baperise ba ne ba ahile naheng eo.

Genese 13:8

Yaba Aborame o re ho Lota: “Ke a o rapela, qabang a e ke e be siyo pakeng tsa rona le wena, le pakeng tsa badisana ba ka le badisana ba hao, hobane re bana ba motho.

2 Marena 14:9

Empa Jehowashe, kgosi ya Iseraele, a araba Amasiya, kgosi ya Juda, a re: “Hlabahlabane ya Lebanone e kile ya romela molaetsa ho kedare ya Lebanone, ya re: ‘Nea mora wa ka moradi wa hao, a mo nyale!’ Yaba ho feta sebatana sa Lebanone, se fihla se hatakela hlabahlabane eo.

Diproverbia 14:17

Motho ya halefang kapele o etsa bothoto, ya nang le mehopolo e mebe batho ba a mo hloya.

Diproverbia 14:29

Ya diehang ho halefa o na le kutlwisiso, athe sefelapelwana se bontsha bothoto.

Diproverbia 16:32

Ya nang le mamello o molemo ho feta ya dikgoka, ya itshwarang ha a halefile o feta ya hapang motse.

Diproverbia 17:14

Qabang e qala jwaloka metsi a faposwa mosele, wena e kwekwetle e eso ka e kekela.

Diproverbia 18:6

Leleme la sethoto le baka diqabang, polelo tsa sona di se memela ho shapuwa.

Diproverbia 19:11

Bohlale ba motho bo tswala mamello, ho iphapanyetsa diphoso ke yona tlotla ya hae.

Diproverbia 21:24

Moikgohomosi ya mabefi o bitswa “mosomi”, boikakaso ba hae ha bo na tekanyo.

Diproverbia 26:17

Mofeta-ka-tsela ya kenang qabang tsa batho o ka motho ya sothang tsebe tsa ntja ya lelahleha.

Baefese 4:32

Rekolohelanang, le hauhelane, le tshwarelane, jwalokaha le Modimo a le tshwaretse ka Kreste.

Jakobo 3:14

Empa haeba ka dipelong tsa lona le na le lefufa le lebe le moya wa dikgang, le se ke la ithorisa, la senya nnete ka ho bua leshano.

Jakobo 4:1

Dintwa le diqabang tse hara lona di bakwa keng? Na ha di bakwe ke ditakatso tse mpe tse lwanang ka ho lona?