Diproverbia 20:24 - BIBELE

²⁴ Mehato ya motho e laolwa ke Morena, ebe jwale motho tsela a ka e tseba jwang?

Sesotho 1909/1961 (SO)

²⁴ Maoto a motho a laelwa ke Jehova; ha ho le jwalo, ke mang motho ya ka utlwisisang tsela ya hae?

Diproverbia 20:24 ပူးပေါင်းရင်းမြစ်များ

Dipesaleme 25:12

Haeba ho teng ya tshabang Morena, Morena o tla mmontsha tsela, tsela eo a tshwanetseng ho e kgetha.

Dipesaleme 25:4

Morena, mpontshe ditsela tsa hao, o nthute mehlala ya hao.

Dipesaleme 37:23

Morena ke yena ya tiisang mehato ya batho, mme o kgahlwa ke metsamao ya bona.

Diproverbia 14:8

Ya bohlale o tseba ho kgetha tsela ya hae, sethoto se ithetsa ka bothoto ba sona.

Diproverbia 16:1

Pelo ya motho e rera merero, tseo a di buang di laolwa ke Morena.

Diproverbia 16:9

Motho o itherela tsela ya hae, empa ke Morena ya mo tataisang.

Jeremia 10:23

Morena, sena ke a se tseba, motho ha a ikgethele tsela ya hae, hase yena ya laolang mehato ya hae.

Daniele 5:23

O ikgohomoseditse Morena ya lehodimong. Ba o tliseditse dinwelo tse tswang ka Tempeleng ya hae, mme wena le mahosana a hao, le basadi ba hao, le basadi ba hao ba mafielo, le nweletse veine ka ho tsona. O ile wa rorisa medimo ya silefera, le ya kgauta, le ya lethose, le ya tshepe, le ya lehong, le ya lejwe, e sa boneng, e sa utlweng, e sa tsebeng letho. Empa ha o a ka wa tlotlisa Modimo eo bophelo ba hao le metsamao yohle ya hao e leng ka letsohong la hae.

Diketso 17:28

“Re phela ka yena, re tsamaya ka yena, re teng ka yena, jwalokaha le baroki ba bang ba lona ba itse: “ ‘Hobane re bile re bana ba hae.’