Diproverbia 2:22 - BIBELE

²² Ba kgopo ba tla fediswa lefatsheng, mahlabaphiyo a timetswe ho lona.

Sesotho 1909/1961 (SO)

²² Empa ba babe ba tla kgaolwa hodima lefatshe, ba lonya ba fotholwe ho lona.

Diproverbia 2:22 ပူးပေါင်းရင်းမြစ်များ

1 Marena 14:14

“Ho feta mona, Morena o tla ikgethela kgosi e tla busa Baiseraele, e tla timetsa lelapa la Jeroboame hona mohlang oo. E seng kajeno; hona jwale!

1 Dikronike 10:13

Yaba Saule o shwa ka baka la ditshito tsa hae, tseo a ileng a sitelwa Morena ka tsona, e leng ho se boloke ditaelo tsa Morena, le ho batla dikeletso ho mathuela.

Jobo 21:30

‘Ha koduwa e etla ya kgopo o a pholoswa, tsatsi la kgalefo le lona o a le phemiswa?’

Dipesaleme 104:35

Baetsadibe ba ke ba fele lefatsheng, ba kgopo ba se hlole ba eba teng. Boka Morena, wena moya wa ka. Haleluja!

Dipesaleme 145:20

Morena o baballa bohle ba mo ratang, empa bohle ba kgopo o a ba timetsa.

Dipesaleme 37:20

Empa ba kgopo ba tla timela; bao e leng dira tsa Morena ba tla fela jwaloka botle ba makgulo, ba nyamele jwaloka mosi.

Dipesaleme 37:22

Bao Morena a ba hlohonolofaditseng lefatshe e tla ba lefa la bona; bao a ba rohakileng ba tla fediswa.

Dipesaleme 37:28

Morena o rata ho loka, mme a ke ke a furalla batshepuwa ba hae. Ba kgopo ba tla timella ruri, ditloholo tsa bona di tla fediswa.

Dipesaleme 52:5

O rata bobe ho ena le botle, le leshano ho ena le nnete.

Dipesaleme 52:7

Modimo o tla o ripitlela ruri, a o hlwibile, a o hotolele ntle ho tente ya hao, a o fedise lefatsheng la ba phelang.

Diproverbia 10:30

Ya lokileng a ke ke a sisinyeha, empa ba kgopo ba tla fela lefatsheng.

Diproverbia 11:3

Ba tshepahalang ba tataiswa ke botshepehi ba bona, ba sa tshepahaleng bona ba timela, ba timetswa ke ho se tshepahale ha bona.

Deuteronoma 29:20

Morena a ke ke a mo tshwarela, empa kgalefo ya Morena le lefufa la hae di tla tlokomela monna eo. Dithohako tsohle tse ngotsweng kahara buka ena, di tla mo wela hodima. Morena o tla fedisa lebitso la hae lefatsheng.

Deuteronoma 29:28

Morena a halefa, a ba bohalehale, a ba phahla naheng ya bona, mme ka kgalefo e kgolo a ba lelekela naheng esele moo ba ntseng ba le hona teng le kajeno-ya-bokajeno.’

Deuteronoma 7:22

Morena Modimo wa lona, o tla leleka ditjhaba tsena kahanyane, kapele ho lona. Le ke ke la di timetsa hanghang, esere dibatana tsa naha tsa tshoha di ngatafala ho le feta.