Diproverbia 2:14 - BIBELE

¹⁴ Bona ba thabela ho etsa bobe, ba thabela bokgopo ba ba kgopo,

Sesotho 1909/1961 (SO)

¹⁴ ba thabelang bolotsana, ba iketekang ka diketso tse mpe;

Diproverbia 2:14 ပူးပေါင်းရင်းမြစ်များ

Diproverbia 10:23

Sethoto se thabela ho etsa bobe, ya nang le kutlwisiso o thabela bohlale.

Diproverbia 21:10

Motho ya kgopo o labalabela bobe, ha a qenehele ya ahisaneng le yena.

Diproverbia 4:16

Ha ba sa etse bokgopo ha ba robale, ba fadimehiswa ke takatso ya ho bolaya.

Jeremia 11:15

“Moratuwa o etsang ka tempeleng ya ka, ha e le moo a rera merero ya bolotsana? Ebe nama tsa mahlabelo di ka o phemisa kotlo ya hao? Ha o etsa bokgopo eba jwale o a thaba!”

Hosea 7:3

“Ka bokgopo ba bona ba thabisa kgosi, ba thabise le mahosana ka mashano a bona.

Habakuke 1:15

Tsohle di tshwaswa ka dilope, di tshwaswa ke sera, se be se di tshwase ka letlowa la sona, se nto di hula ka seketswana sa sona, se etse ditlatse tsa nyakallo ha se tshwasitse.

Sofonia 3:11

Mohla tsatsi leo ha o na ho ba dihlong ka baka la ho ntshitelwa ha hao. Ba ithorisang ka boikakaso ba hao ke tla ba fedisa kahare ho wena; o ke ke wa hlola o ikgohomosa, o le thabeng ya ka e halalelang.

Baroma 1:32

Leha ba tseba hantle taelo ya Modimo e reng ba etsang tse jwalo ba lokelwa ke lefu, ha ba di etse e le bona feela, empa ba bile ba thoholetsa le ba bang ba di etsang.

1 Bakorinthe 13:6

ha le thabele bokgopo, empa le thabela nnete.